Şimbä könne RTR telekanalınıñ “Senatorlar klubı” tapşıruında bilgele kinorejisser Sergey Solovyov, milli respublikalar beterelergä tieşme-yuqmı digän soraw birde. Alıp baruçı xanım bu sorawğa cawapnı Federatsiä Sovetında Tatartsan prezidentı wäkile bulğan Räfqät Altınbaevqa birergä täqdim itte. Ämmä Räfqät äfände, sorawnıñ asılın añlamıyça, başqa mäs’älägä açıqlıq kertte. Anıñ fikerençä, tabiği baylıqları bulğan donor respublikalar belän fäqir ölkälärneñ matdi xälen tigezläşterü öçen aqıllı mexanizm tabarğa kiräk. Mondıy fiker ğäcäpkä qaldıra, çönki “uravnilovka” digän närsä töbäklärne tırışıp eşläwdän totqarlap kilä. Milli respublikalarnıñ yazmışı turındağı sorawğa cawapnı Rusiä prezidentı administratsiäse başlığı urınbasarı Dmitriy Kozak birde. Ul Rusiä konstitutsiäse üzgärtelmäskä tieş, şunlıqtan respublikalar östän birelgän kürsätmä belän yuqqa çığarılmayaçaq dide. Dimäk, respublikalar, ölkälär quşılu, çiklär üzgärü xalıq teläge, Federatsiä subyektlarınıñ qararı belän genä başqarılırğa mömkin. Eşlär bolay barsa, andıy initsiativalar da işetelä başlar. Tatarstan häm Başqortostan mondıy üz-üzen yuqqa çığaru yulına basmas. Ämmä, wäzğıät ğadi tügel.
“İzvestiä” gazetasınıñ şimbä sanında Mäskäwdä totıqlar alınu, ike yıl elek “Kursk” su astı qöymäse batu turında reportajlar töşergän Arkadiy Mamontov kiläse yılda dokumentalistlar öçen iñ möhim waqiğalar qayda bulırğa tieş, digän sorawğa şundıy cawap birde – İdel buyında häm Kavkazda bulaçaq, dide ul.
“İzvestiä” gazetasınıñ şimbä sanında Mäskäwdä totıqlar alınu, ike yıl elek “Kursk” su astı qöymäse batu turında reportajlar töşergän Arkadiy Mamontov kiläse yılda dokumentalistlar öçen iñ möhim waqiğalar qayda bulırğa tieş, digän sorawğa şundıy cawap birde – İdel buyında häm Kavkazda bulaçaq, dide ul.