Accessibility links

Кайнар хәбәр

Qazanda «Rusiä xalıqları telläre — anıñ milli baylığı» dip isemlängän fänni-ğämäli konferensiä eşli


Qazanda «Rusiä xalıqları telläre — anıñ milli baylığı» dip isemlängän fänni-ğämäli konferensiä eşli

26 noyäber, sişämbe könne, Qazanda «Rusiä xalıqları telläre — anıñ milli baylığı» dip isemlängän töbäkara fänni-praktik konferensiä eşli başladı. Anı Tatarstanıñ Mäğärif ministrlığı oyıştırdı. Konferensiä, isemennän ük kürengänçä, Rusiädä yäşäwçe xalıqlarnıñ tellärenä, alarnıñ xäle, uqu-uqıtu, tellärneñ üseş problemalarına bağışlana. Şulay uq, cıyılışta milli mäğärif mäs’äläläre, uqıtu protsessınıñ milli komponentı, Rusiädä milli sabırlıq kebek sorawlar da qaralaçaq. Konferensiädä törle töbäklärdän kilgän tatar tele uqıtuçıları häm tärbiäçeläre dä qatnaşaçaq. Sişämbe könne qunaqlar tügäräk öställär, seksiälär eşendä qatnaştılar, törle mäktäplärdä, gimnaziälärdä, balalar baqçalarında buldılar, milli tellärgä bağışlanğan kürgäzmälärne qarap yördelär. Çärşämbe könne fänni-praktik konferensiäneñ plenar utırışı uzdı. Pänceşämbe könne cıyılış üzeneñ eşen däwam itäçäk. Älege fänni cıyılışta Rusiäneñ 20 töbägennän kilgän 300 läp delegat qatnaşa, dip xäbär itä İntertat.ru elektron gazetı. 3 kön däwam itkän şuşı konferensiä waqıtında Omsk, Orenbur, Samar, Sarıtaw, Mäskäw şähärlärennän, Xantı-mansi okrugı, Mordowiä, Mari, Başqortostan häm başqa töbäklärdän kilgän qunaqlar tel problemaların ğına xäl itep qalmıyça, Qazannı qarap, başqalabıznıñ Kamal teatrında tatar teatrı belän dä tanışa alaçaqlar.
XS
SM
MD
LG