Accessibility links

Tatarstanda xärbi xezmätkä çaqırıluçılarnıñ 30 protsentı ğına armiä saflarında xezmät itärgä äzer


Tatarstanda xärbi xezmätkä çaqırıluçılarnıñ 30 protsentı ğına armiä saflarında xezmät itärgä äzer

3 dekaber könne Tatarstan respublikasınıñ Xärbi komissariätendä közge çaqırılışnıñ näticälären iğlan ittelär. Xäyer, bu äle tulı näticälär tügel, çönki respublika közge çaqırılışınıñ planın ütämägän, yäğni Rusiä armiä saflarına tieş bulğan sanda yäşlär cibärmägän. Tatarstannıñ xärbi komissarı Rim Mustaev süzlärenä qarağanda, xärbi xezmätkä cibärelergä tieş bulğan 4 600 keşeneñ älegä nibarı 58 protsentı ğına kitkän. Äye, xäzerge waqıtta armiä xezmätenä barırğa aşqınıp torğan keşe äz. Läkin közge xärbi çaqırılışnıñ planı ütälmäwneñ säbäbe xezmätkä barırğa telämiçä qaçıp yörüçelärneñ sanı könnän-kön kübäyü genä tügel. Böten Rusiädäge kebek ük, Tatarstanda da yäşlärneñ sälämätlege yıldan-yıl naçarlana bara. Östäwenä, alarnıñ fizik äzerlege dä bik ük äybät tügel ikän. Rim Mustaev süzlärenä qarağanda, xärbi xezmätkä çaqırıluçılarnıñ barı tik 30 protsentı ğına armiä saflarında xezmät itärgä tulısınça äzer. Älege xälne küpmeder däräcädä tözäter öçen Tatarstanda «Yäşlärneñ patriotik tärbiäse» dip isemlängän komplekslı programma qabul itelgän ide. Läkin ul äle tuqtatılğan, çönki bu programmanı ütärgä äle aqça citeşmi. Xäyer, soñğı waqıtta alay da mäktäp uquçıları arasında törle sport uyınnarı, yarışlar ütkärelep kilä, ikän.
XS
SM
MD
LG