Tatarstan neften Tatarstanda eşkärtäçäklär

Tatarstan massaküläm mäğlümat çaraları bu atna axırında safqa basqan “Tübän Kama neft'” eşkärtü kompleksına zur iğtibar kürsättelär. Ber qaraşqa, respublikanıñ industrial' töbägendä tağın ber yaña şirkät açıluı ällä nindi iskitkeç yañalıq ta tügel kebek. Läkin älege kompleksnıñ ike etabı da eşlänep betkäç, Tatarstan üzeneñ kükertle neften üze eşkärtä başlıyaçaq. Menä monısı inde tatarstanlılarğa turıdan turı qağılaçaq. Biredä bik kiräkle bitum, dizel' yağulığı inde yasala da başladı. Kiläçäktä «Tatneft'» neft'ne torba aşa quu belän genä şöğellänmiäçäk. Tübän Kamada mazutnı eşkärtü dä, vodorod çığınu da, elektr energiäse häm par yasaw da nıqlı nigezgä salınaçaq. 700 million kubometr vodorod yasawğa tügel, Tübän Kama şähären gazlaştıru öçen qullanılaçaq. Rusiädä äle mondıy sänäğät kompleksları yuq. Küräseñ, şuña kürä dä tantanalı waqiğada respublikanıñ iñ yuğarı citäkçeläre qatnaştı. Tözüçelärgä iñ yaxşı sänğätkärlär mädxiä cırladılar, alarnı çäçäklärgä, büläklärgä kümdelär.