Accessibility links

Кайнар хәбәр

Mintimer Şäymiev Rusiä Däwlät Dumasınıñ soñğı ğamälen tänqitli


4 dekaberdä İnterfax agentlığına birgän intervyusında Tatarstan prezidentı Mintimer Şäymiev şuşı könnärdä Rusiä Däwlät Dumasında berençe uqılışta qabul itelgän Däwlät Duması häm Federatsiä Şurası deputatları statusı turındağı qanunğa östämälärne kisken tänqitläde. Mäğlüm ki, Rusiä Däwlät Duması qaramağındağı älege qanun proektı Federatsiä Şurasına töbäklärdän bilgelängän wäkillärne çaqırıp alu xoquqınnan mährüm itä. Äytik, Tatarstannan Federatsiä Şurasına wäkil itep bilgelängän Räfğat Altınbaev häm İrina Laroçkina respublika xaqimiätennän tulı bäysezlekkä çığa, digän süz. Mintimer Şäymiev mondıy tözätmälärne zakon çığaru başbaştaqlığı, dip bäyäläde. Anıñ fikerençä, Federatsiä Şurasında töbäk wäkilläre xoquqların aldan bilgeläp quyu bu töbäklärneñ federatsiä subyektları bularaq xoquqların tupas räweştä bozu. Mintimer Şäymiev bu tözätmälärneñ Federatsiä Şurası äğzalarınıñ başlanğıçı buluına şiklänmäwen belderde. Anıñ fikerençä, wäkillär närsä öçen quyılğannarın bik tiz onıta başlap, subyektlardan bäysezräk, üzlärenä-üzläre xuca bulmaqçılar. İkençe yaqtan, Mintimer Şäymiev fikerençä, bu bilgele ber säyäsi köçlärneñ Federatsiä Şurası äğzasın federal' başqarma xaqimiättän tulı bäylelekkä quyıp, alarnı töbäklär mänfäğätlären yaqlaw mömkinlegennän mährüm itü. Bu federativ däwlät bulğan Rusiädä federatsiä nigezenä xöcüm dip belderde Mintimer Şäymiev.
XS
SM
MD
LG