Bügen İsrael tankları häm xärbi maşinaları Gaza sızığındağı qaçaqlar lagerenä kerde. Kimendä 10 keşe häläk bulğan, alarnıñ 2se –fälestin qaçaları ide, dip xäbär itelä. İsrael xärbiläre al-Bureij lagernä kerep tirä yaqqa ata başlağan. Ğaskärlär çığıp kitkänçe tağın distägä yaqın keşe yaralanğan. İsrael armiäse, lagergä fälestin suğışçıların ezlärgä kergän israel xärbilärenä ut açıldı, dip xäbär itte. Üterelgän fälestinnärneñ barısı da-islam suğışçıları , alarnıñ kimendä yartısı-Hamas oyışması wäkilläre ide, dielä.Fälestin citäkçeläre bu ğamälne İsrael terrorı dip atadı. Fälestinnär citäkçese Yasser Arafatnıñ kiñäşçese Nabil Abu Rudeina, Fälestin xakimiäte älege wazğiätne tikşerüne sorap xalıqara cämäğätçelekkä möräcäğät itäçäk, dip belderde.
