Accessibility links

Кайнар хәбәр

Rusiä Konstitutsiäse könendä däwlät citäkçeläre qotlaw telegrammaları belän almaştı


Säyäsät – säyäsät inde ul. Yuqqa ğına awıl ağayları dönya xällären söyläşep utırğanda, iñ butalçıq mäsälälärgä citkäç, “säyäsät inde, ber xäleñ dä yuq” dip cöpläp quya. Tatarstanda da Rusiä Konstitutsiäse köne - yal köne, bäyräm köne. Gärçä, Rusiä Konstitutsiäsenä qädär Tatarstan üz Konstitutsiäsen qabul itkän bulsa da, Rusiä Konstitutsiäsenä bağışlanğan 1993 yılğı referendumı Tatarstanda ütkärelmäde dip sanalsa da, barıber bäyräm tek bäyräm. Ä inde soñğı waqıttağı wäzğıätne Tatarstan Konstitutsiäsen täñgälläşterü ğamälläre, bertuqtawsız mäxkämä eşläre - anısına inde künegep barabız. Şulay kiräk tieşle sıman da xätta.

Menä Rusiä Konstitutsiäse köne belän Rusiä prezidentı Vladimir Putinnı Mintimer Şäymiev häm Däwlät Şurası räise Färit Möxämmätşin qotladılar. Vladimir Putin da cawapsız qalmadı. İntertat.ru säxifäsendä anıñ Tatarstan prezidentına qotlawın kürergä bula. Bu qotlawda Konstitutsiä qabul itüneñ tarixta borılış waqığası buluı turında äytelä, çönki ul däwlätne häm cämğıätne demokratik üzgärtep qorunıñ iñ yuğarı plankasın quyğan. Bu planka inde bieklekkä sikerü yarışlarında quyıla torğan planka belän çağıştıru.
XS
SM
MD
LG