Çınnan da, xörmätle tıñlawçılar, ğäyepläwlär nigezdä bertörle diyärgä bula. Quşma Ştatlar Bagdadnı da, kommunistik Pxenyannı da, küpläp yuq itü qoralların buldırırğa tırışuda ğäyepli. Läkin şunnan soñ inde bertörlelek betä, Ğiraq oçrağında Washington, mömkin qädär qatıraq toru, kiräk ikän, aña qarşı xärbi çaralar da kürüne alğa sörsä, Tönyaq Koreyägä kilgändä ul älegä, aña höcüm yasaw ixtimalın tikşermi ikän. Bu xaqta, düşämbedä Washingtonda Yaponiä ministrları belän oçraşqannan soñ Quşma Ştatlarnıñ däwlät sekretare Colin Powell belderde, häm ul monı, amerikan yağınıñ inde bolay da yartı ğasır buyı bülenep yäşägän şuşı yarımutrawdağı kiyerenkelekne tağın da arttırırğa telämäwe belän añlattı. Ä anda wäzğiat çınnan da qatlawlana bara, Tönyaq Koreyädäge mäğlümat çaraları, ä alar tulısınça kommunistik xakimiat qulında, inde berniçä kön açıqtan-açıq, Amerika belän suğış alıp baru ixtimalı häm ilneñ moña äzer toruwı kiräklege turında yaza häm söyli. Däwlät sekretare Powellnıñ, Yaponiä tışqı eşlär ministrı Yoriko Kawaguçi häm yapon saqlanu ministrı Şigeru İşiba belän oçraşuwı şundıy şartlarda uzdı, älege söyläşülärdä şulay uq, amerikan saqlanu ministrınıñ urınbasarı Paul Wolfowitz ta qatnaştı. Ägär dä Tönyaq Koreyä çınnan da atom qoralına iyä bulıp, ul anı qayçan da bulsa qullanırğa uylasa, Yaponiä berençe hädäf bula ala dip isäplänä. Şul säbäple Powellnıñ näq menä yapon ministrları belän oçraşuwı yuqqa tügel. Uzğan atnada Tönyaq Koreyä, üzendäge, älegä qädär tuqtatılıp torğan tikşerenü reaktorın yañadan ğämälgä kertäçägen iğlan itte, amerikan yağı, näq menä şul reaktor yardämendä Pxenyan, atom qoralın buldıru eşen alıp bara dip isäpli. Ä aña qädär, üktäbr ayında, Tönyaq Koreyä wäkilläre, ilneñ atom programmasın yäşeren räweştä täräqqi itüwen tanığan ide. Quşma Ştatlarnıñ däwlät sekretare Colin Powell şuşı xällärne bik qurqınıç dip bäyäli.
Audio
Bu bik awır wäzğiat, qurqınıç wäzğiat. Häm annan kitü, qotılu yulı barı tik şunda ğına, Tönyaq Koreyä, küpläp yuq itü qoralların eşläwgä qarağan xalıqara kileşülärdäge yöklämälären ütärgä tieş di amerikan däwlät sekretare Colin Powell. Anıñ şuşı borçuların yapon yağı da urtaqlaşa, häm Tönyaq Koreyädän yanağan qurqınıç sürätendä xäzer üzendä, raketalardan saqlanu sistemasın qoru turında uylana. Washingtondağı söyläşülärdän soñ qabul itelgän urtaq belderüdä, Yaponiä monı Quşma Ştatlar belän bergä eşläw yulları tikşerä dielä. Tönyaq Koreyäneñ, 1994-nçe yılda amerikannar belän ireşelgän häm Pxenyannıñ atom programmasın tuñdırunı küz aldında totqan maxsus kileşüne bozuwına cawap yözennän Washington aña, şul kileşüdä qaralğança, yağulıq satuwın häm humanitar yardäm kürsätüwen tuqtatqan ide. Pxenyan Quşma Ştatlarnı, şuşı mäs’äläne säyäsätläşterüdä ğäyepläp çıqtı, häm monı tağın, Amerika kommunistik Tönyaqqa qarşı suğış başlarğa äzerlänä digän kampaniädä qullanırğa buldı. Moña cawap itep Powell, Quşma Şttalarnıñ Tönyaq Koreyägä höcüm yasaw niyäte yuq dip belderde.
Audio
Washington Pxenyan belän mönäsäbätlären, soñğısı üze imzalağan kileşülärne yañadan üti başlağan oçraqta ğına yaxşırtaçağın belderä.
Kärim Kamal, Praga
Audio
Bu bik awır wäzğiat, qurqınıç wäzğiat. Häm annan kitü, qotılu yulı barı tik şunda ğına, Tönyaq Koreyä, küpläp yuq itü qoralların eşläwgä qarağan xalıqara kileşülärdäge yöklämälären ütärgä tieş di amerikan däwlät sekretare Colin Powell. Anıñ şuşı borçuların yapon yağı da urtaqlaşa, häm Tönyaq Koreyädän yanağan qurqınıç sürätendä xäzer üzendä, raketalardan saqlanu sistemasın qoru turında uylana. Washingtondağı söyläşülärdän soñ qabul itelgän urtaq belderüdä, Yaponiä monı Quşma Ştatlar belän bergä eşläw yulları tikşerä dielä. Tönyaq Koreyäneñ, 1994-nçe yılda amerikannar belän ireşelgän häm Pxenyannıñ atom programmasın tuñdırunı küz aldında totqan maxsus kileşüne bozuwına cawap yözennän Washington aña, şul kileşüdä qaralğança, yağulıq satuwın häm humanitar yardäm kürsätüwen tuqtatqan ide. Pxenyan Quşma Ştatlarnı, şuşı mäs’äläne säyäsätläşterüdä ğäyepläp çıqtı, häm monı tağın, Amerika kommunistik Tönyaqqa qarşı suğış başlarğa äzerlänä digän kampaniädä qullanırğa buldı. Moña cawap itep Powell, Quşma Şttalarnıñ Tönyaq Koreyägä höcüm yasaw niyäte yuq dip belderde.
Audio
Washington Pxenyan belän mönäsäbätlären, soñğısı üze imzalağan kileşülärne yañadan üti başlağan oçraqta ğına yaxşırtaçağın belderä.
Kärim Kamal, Praga