Baham utrawlarında terkälgän Clonaid şirkäte bar dönyanı şawlatqan berençe xäbären yaña yıl aldınnan, dikäberneñ 27-sendä taratqan ide. Floridada ütkän matbuğat oçraşuında Clonaid citäkçese Brigitte Boisellier, ul qız balağa Eva, yağni Hawa iseme quşılğanın xäbär itep, “monıñ närsägä işarä itkänen añlıysızdır” dip sixerle itep yılmayıp ta quydı. İkençe balanıñ tuasın Brigitte xanım ber atnadan wäğdä itkän ide, kem äytemşli süzendä tordı. İkençe bala, şulay uq qız bala, Hollandalı ber lesbian xatınnıñ genetik kopiäse, uzğan comğada Yevropanıñ ber ilendä dönyağa kilgän, qaysı il ikäne älegä äytelmi.
Genetik kopiä digännän, älegä bu fakt bäysez ğalimnär tarafınnan raslanmağan. Läkin Brigitte xanım, gennarnıñ tängäl ikänen waqıt citü belän dälillärgä cıyına.
Audio (Brigitte Boisellier)
Bu çın xäl. Balalar çınlap ta tudı. Monı raslarğa äzer belgeçlär bar. Ata-analar belän kileşü tözelgän. Dälillär yaqın arada iğlan iteläçäk.
Clonaid şikräte Raeliannar dip atalğan dini sekta belän tığız elemtädä tora, Birgitte xanım sektatanıñ ruxaniı sanala. Sektanı 1997-dä elekke fransuz jurnalistı Clod Varilhon oyıştırğan. Xäzer ul üzen Rael dip yörtä. Anıñ täğlimätenä qarağanda, berençe keşe dönyağa näq menä klonlaw yulı belän barlıqqa kilgän. Bu eşne 25 meñ yıl elek Cirgä kilgän çit planeta wäkilläre başqarğan. Rael äytüençä, bügenge köndä cir şarında üzen, yä yaqınnarın klonlarğa telägän 2 meñläp keşe bar. Yıllar buyı balağa uza almağan, yä isä ülgän balaların kire qaytarırğa xıyallanğan bu keşelär operatsiä öçen 200 meñ dollar tülärgä äzer. Raeliannar, ber yaqtan alarnı bäxetle itärgä, ikençe yaqtan, aqça eşlärgä cıyınğanın yäşermi.
Klonlanğan keşe tuu turındağı xäbär bar dönyada diärlek tiskäre reaksiä uyattı. Küplär bu ğämälne ber yaqtan fängä, ikençe yaqtan äxlaqqa qarşı dip sanıy. Quşma Ştatlarnıñ Bioetika Şurası prezidentı Dean Clancy:
Audio (Dean Clancy)
Bezneñçä, keşe klonlaw – äxlaqsız ber närsä, di Dean. Berdän, bu – iminsez, ikençedän, balağa qarata ğädel tügel. Ata-ananıñ bala östennän kontrole köçäyä, bu – näselne planlawğa berençe adım bulıp tora.
Törle din ähelläre, şulay uq, bu ğämälgä tänqit belderde. Vatikan, İslam, yäxüd ruxaniları keşe klonlawnı, bertawıştan, tabiğatkä qarşı ğämäl dip atadı.
Xäyer, klonlaw ğämäleneñ tarafdarları da bar, berençe çiratta ğalimnär. Meditsinanıñ yaña yünäleşe bulğan bu tarmaq, moñarçı däwalanmıy dip sanalğan, Parkinson, Alzheimer kebek awırularnı ciñärgä mömkinlek biräçäk dip kötelä. Läkin bu ğalimnär dä, Clonaid eşenä tiskäre qarıy. Alar fikerençä, xäzer törle illär klonlawnı tıyğan qanunnar qabul itä başlıyaçaq. Ber uñaydan, terapevtik klonlaw digän meditsina tarmağına da kirtä salınırğa mömkin. Äytkändäy, mondıy qanun Yevropanıñ berniçä ilendä qabul itelgän, Amerikada ul Senatta tikşerüdä yata. Mäsäläne BMO däräcäsendä xäl itergä öndäwçelär bar.
Ä inde Clonaid şirkätenä kilgändä, anı sügüdä mägnä yuq. Dönyanıñ törle urınnarında bu yünäleştä däräcäle belgeçlär eşli, äytik, tanılğan italian doktorı Severino Antinori, amerikan belgeçe Panos Zavos. Clonaid bulmasa, bu näticägä başqalar ireşer ide. Bu xaqta alar inde küptän kisätep kilä. Tik menä keşeçelek, dönya cämägätçelege moña äzer tügel sıman.
Ali Gilmi, Praga
Genetik kopiä digännän, älegä bu fakt bäysez ğalimnär tarafınnan raslanmağan. Läkin Brigitte xanım, gennarnıñ tängäl ikänen waqıt citü belän dälillärgä cıyına.
Audio (Brigitte Boisellier)
Bu çın xäl. Balalar çınlap ta tudı. Monı raslarğa äzer belgeçlär bar. Ata-analar belän kileşü tözelgän. Dälillär yaqın arada iğlan iteläçäk.
Clonaid şikräte Raeliannar dip atalğan dini sekta belän tığız elemtädä tora, Birgitte xanım sektatanıñ ruxaniı sanala. Sektanı 1997-dä elekke fransuz jurnalistı Clod Varilhon oyıştırğan. Xäzer ul üzen Rael dip yörtä. Anıñ täğlimätenä qarağanda, berençe keşe dönyağa näq menä klonlaw yulı belän barlıqqa kilgän. Bu eşne 25 meñ yıl elek Cirgä kilgän çit planeta wäkilläre başqarğan. Rael äytüençä, bügenge köndä cir şarında üzen, yä yaqınnarın klonlarğa telägän 2 meñläp keşe bar. Yıllar buyı balağa uza almağan, yä isä ülgän balaların kire qaytarırğa xıyallanğan bu keşelär operatsiä öçen 200 meñ dollar tülärgä äzer. Raeliannar, ber yaqtan alarnı bäxetle itärgä, ikençe yaqtan, aqça eşlärgä cıyınğanın yäşermi.
Klonlanğan keşe tuu turındağı xäbär bar dönyada diärlek tiskäre reaksiä uyattı. Küplär bu ğämälne ber yaqtan fängä, ikençe yaqtan äxlaqqa qarşı dip sanıy. Quşma Ştatlarnıñ Bioetika Şurası prezidentı Dean Clancy:
Audio (Dean Clancy)
Bezneñçä, keşe klonlaw – äxlaqsız ber närsä, di Dean. Berdän, bu – iminsez, ikençedän, balağa qarata ğädel tügel. Ata-ananıñ bala östennän kontrole köçäyä, bu – näselne planlawğa berençe adım bulıp tora.
Törle din ähelläre, şulay uq, bu ğämälgä tänqit belderde. Vatikan, İslam, yäxüd ruxaniları keşe klonlawnı, bertawıştan, tabiğatkä qarşı ğämäl dip atadı.
Xäyer, klonlaw ğämäleneñ tarafdarları da bar, berençe çiratta ğalimnär. Meditsinanıñ yaña yünäleşe bulğan bu tarmaq, moñarçı däwalanmıy dip sanalğan, Parkinson, Alzheimer kebek awırularnı ciñärgä mömkinlek biräçäk dip kötelä. Läkin bu ğalimnär dä, Clonaid eşenä tiskäre qarıy. Alar fikerençä, xäzer törle illär klonlawnı tıyğan qanunnar qabul itä başlıyaçaq. Ber uñaydan, terapevtik klonlaw digän meditsina tarmağına da kirtä salınırğa mömkin. Äytkändäy, mondıy qanun Yevropanıñ berniçä ilendä qabul itelgän, Amerikada ul Senatta tikşerüdä yata. Mäsäläne BMO däräcäsendä xäl itergä öndäwçelär bar.
Ä inde Clonaid şirkätenä kilgändä, anı sügüdä mägnä yuq. Dönyanıñ törle urınnarında bu yünäleştä däräcäle belgeçlär eşli, äytik, tanılğan italian doktorı Severino Antinori, amerikan belgeçe Panos Zavos. Clonaid bulmasa, bu näticägä başqalar ireşer ide. Bu xaqta alar inde küptän kisätep kilä. Tik menä keşeçelek, dönya cämägätçelege moña äzer tügel sıman.
Ali Gilmi, Praga