Bötenläy ük tınıç, ap-aq yomşaq qarğa oxşağan könnär tügel şul. Yaña yılğa ayaq basqaç ta, iske mäşäqätlär küzgä taşlandı. Käcä yılı säyäsätkä bay bulaçaq. Qazannıñ bik küp mäxällälärendä poçta tartmalarına matur konvertlar salındı. İñ berençe kilgän xatnı açuçılar “Жизнь'” partiäseneñ ustav dokumentların, partiägä kerü ğarizası ürnägen, şuşı firqäneñ räistäşe Räfğat Altınbayıvnıñ öç törle räseme töşerelgän kalendarlarğa layıq buldılar. Başqa firqälär xäzergä äle büläk-istäleklär taratmıy, çönki qaya bulsa da saylaw iğlan itelmägän. Yıl axırında bulaçaq Duma häm dä bälki respublika Däwlät Sovetı saylawlarında ciñep çığu öçen köräş qızu bulaçaq ikänlege xäzer ük kürenep tora.
