Ğiraq premyer-ministrı urınbasarı Tariq Aziz Bağdadqa kilgän Könyaq Afrika Respublikası wäkillärenä Ğiraqnıñ BMO qoral tikşerüçeläre belän xezmättäşlegenä qaramastan AQŞ häm Britaniä suğışqa äzerlekne däwam itä dide. Kiçä AQŞ Prezidentı George Buş, ägär dä Ğiraq üz ixtiarı belän qoralsızlanmasa, AQŞ anı küpläp üterü qorallarınnan çistartaçaq koalitsiäne citäkliäçäk dip belderde. Bu atnada AQŞ belän Britaniä Farsı qultığına östämä köçlär cibärü qararın iğlan itte. Aziz BMO tikşerüçeläre üz wäkalätläre qısalarınnan çığıp Ğiraqnıñ başqa ölkälärdäge mömkinlekläre turında yäşeren mäğlümätlär alırğa teli dide. Ğiraqtağı BMO tikşerüçeläre wäkile Hiro Ueki bu ğäyepläwlärne kire qağıp, tikşerüçelär ğadi xalıqara xezmätkärlär häm alar Ğiraq räsmilärennän bernindi räsmi şikayät tä almadı äle dip belderde.
