Koizumi Tönyaq Koreanıñ izolätsiädä qaluwı töbäkkä genä tügel, ä bar dönyağa tiskäre yoğıntı yasayaçaq dip belderde. Anıñ süzlärençä, Tönyaq Korea dönya cämäğätçelegeneñ çın äğzasına äylänergä tieş. Rusiägä 4 könlek räsmi säfären tämamlağan Koizumi bu süzlären bügen Xabarovskida ütkän matbuğat oçraşuında äytte. Anıñ süzlärençä, räsmi Mäskäw dä näq şul fikerdä tora. Atom programması tiräsendäge wazğiätne tınıç yul belän xäl itü – Pxenyannıñ üz mänfägätlärendä, häm monı aña añlatırğa kiräk, dide ul.
İnde xäbär itkänebezçä, uzğan comğada Tönyaq Korea atom qoralın cäyeldermäw turındağı kileşüdän çığuwı turında beldergän ide. Räsmi Pxenyan bu qararın Quşma Ştatlarnıñ yärdäme tuqtaluwı belän añlattı. Koizumi süzlärençä, Rusiä belän Yaponiä şuşı wazğiätne diplomatik yullar belän cişüdä xezmättäşlek itäçäk.
İnde xäbär itkänebezçä, uzğan comğada Tönyaq Korea atom qoralın cäyeldermäw turındağı kileşüdän çığuwı turında beldergän ide. Räsmi Pxenyan bu qararın Quşma Ştatlarnıñ yärdäme tuqtaluwı belän añlattı. Koizumi süzlärençä, Rusiä belän Yaponiä şuşı wazğiätne diplomatik yullar belän cişüdä xezmättäşlek itäçäk.
