Tömän şähäreneñ milli mädäniätlär sarayında Tömän şähäre tatar milli mädäniäte üzägeneñ sänğät citäkçese Cäğfär Qasimovnıñ icat kiçäse bulıp ütte.

Tatarstan mädäniät ministrlığınıñ xalıq icatı üzäge xezmätkäre İlgiz Qadirov kiçädä Cäğfär äfändene çın mäğnäsendä seber tatarlarınıñ aqını, cırawçısı dip atadı. Cäğfär äfände seber tatar awıllarınıñ mädäniäten öyränügä häm saqlawğa ğayät zur öleş kertkän şäxes. Ul 90-nçı yıllarda Qazan belän aralaşa başlağaç yaña ofıqlar açıldı, yaña üseşlär öçen Qazan miña zur etärgeç buldı dide.

Nail Alan, Tömän