“Piramida” tamaşalar zalında ütkän bu mäcleskä respublika citäkçeläre dä, estrada söyüçeläre dä därräw kildelär. Älege festivalne oyıştıruçılar - “Yaña ğasır”, “Tatarstan” teleradiokompaniäläre, “Bars media” firması bilgelägän ciñüçelär häm uzğan yılda iñ yış yañğırağan estrada äsärlärne sanap qına çığam. Güzäl Urazova, Liliä Xämitova, Çulpan Mortazina, Zölfiä Minhaceva, Liliä Mullağälieva, “Zöläylä”, “Qazan yegetläre” törkemnäre, Rawil Ğäliev, Färit Taişev, Rezida Şäräfieva, İlsaf, Zöfär Bilalov, Zäynäp Färxetdinova, Aydar Ğälimov, Xaniä Färxi, Salawat. Älbättä, bu konkursta qatnaşmağan yäki ciñmägän artistlar, klassik häm folklor muzıkasın söyuçelär “Tatar cırı” digän töşençäne kiñräk añlap, qänäğät qalmasqa da mömkin. Ämma, bu festival' näq menä şuşı kompaniälärneñ icat, reklama häm eşquarlıq proektı. Bu tamaşada yaña tözelgän mäşhür “Piramida” tatar muzıkasına, sänğätenä kileşäme, digän soraw astında ütte. Ciñel soraw tügel bu, çönki tatar cır sänğäte dalalarda, urmannarda, ağaç klublarda yañğırap üskän. Pıyala häm timer, beton Piramidada niçek yañğırar ul? Salawatnı täbrikläwçe räsmi wäkilneñ ber fikerenä qolaq salğanda, xäzerge tamaşalarda ciñü belän ciñelüneñ ayırmasın tiz genä töşenep bulmıy.
Şul cır mäclesennän tağın ber mizgel tıñlarğa täqdim itäm. Çönki, qızğanıçqa qarşı, dönyanıñ törle töbäklärendä işetelä torğan tatar tapşıruları kimi başlağan. Krasnoyarski kraenıñ Lesosibirski şähärendä yäşäwçe Ğilfan äfände İsmäğilev Qazanğa şaltıratıp, “Tatarstan awazı” tapşıruınıñ efirdan yuğaluı turında borçılıp söyläde. Çınnan da, xäzergä bu tapşıru litsenziäneñ srogı betü säbäple tuqtalıp tora. Ğilfan äfände “Azatlıq” radiosın tıñlap ta can susawların basa ala. Ämma ul, säyäsättän bigräk sänğät, milli cırlarıbız belän qızıqsına ikän. Äydägez bergäläşep “Piramida”da ütkän “tatar cırı-2002” gala-konsertında Xaniä Färxineñ kiñ xalıq aldında berençe tapqır ör-yaña, äle bernindi büläk tä almağan cırın tıñlıyq.
Audio (“Bötendönya tatarları cırı”)
Bu cır berençe tapqır, “Azatlıq” radiosınıñ “Yıraqtağı yaqın tawış” digän audiokassetasında sentäber ayında xalıqqa çığarılğan ide. Kem belä, bälki kiläse yılda Läylä Däwlätova süzlärenä Räis Xannanov icat itkän “Bötendönya tatarları cırı” räsmi räweştä tanılır.
Şul cır mäclesennän tağın ber mizgel tıñlarğa täqdim itäm. Çönki, qızğanıçqa qarşı, dönyanıñ törle töbäklärendä işetelä torğan tatar tapşıruları kimi başlağan. Krasnoyarski kraenıñ Lesosibirski şähärendä yäşäwçe Ğilfan äfände İsmäğilev Qazanğa şaltıratıp, “Tatarstan awazı” tapşıruınıñ efirdan yuğaluı turında borçılıp söyläde. Çınnan da, xäzergä bu tapşıru litsenziäneñ srogı betü säbäple tuqtalıp tora. Ğilfan äfände “Azatlıq” radiosın tıñlap ta can susawların basa ala. Ämma ul, säyäsättän bigräk sänğät, milli cırlarıbız belän qızıqsına ikän. Äydägez bergäläşep “Piramida”da ütkän “tatar cırı-2002” gala-konsertında Xaniä Färxineñ kiñ xalıq aldında berençe tapqır ör-yaña, äle bernindi büläk tä almağan cırın tıñlıyq.
Audio (“Bötendönya tatarları cırı”)
Bu cır berençe tapqır, “Azatlıq” radiosınıñ “Yıraqtağı yaqın tawış” digän audiokassetasında sentäber ayında xalıqqa çığarılğan ide. Kem belä, bälki kiläse yılda Läylä Däwlätova süzlärenä Räis Xannanov icat itkän “Bötendönya tatarları cırı” räsmi räweştä tanılır.
