Accessibility links

Кайнар хәбәр

Qazanda tennis üzäge bulaçaq


Belgänegezçä, Tatarstanda fizkul'tura häm sportqa mönäsäbät naçardan tügel. Xäyer, bu nigezdä massaküläm sportqa tügel, ä zur sportqa qarıy. Äledän-äle Qazanda bersennän-berse zur, matur, sıyfatlı sport binaları açılıp tora. Yañartılğan Sport sarayı diseñme, mähabät Basket-xollnı iskä alasıñmı. Yaqın kiläçäktä Qazanda tağın ber şundıy bina üsep çığaçaq. Bu yulı tennis üzäge. Zamança tözelgän häm cihazlanğan älege üzäktä 4 yabıq, 10 açıq qort bulaçaq. Niätlär buyınça anda beryulı 5 meñnän artıq tamaşaçı sıyaçaq. Tennis üzägeneñ proyektı inde äzer dä ikän. Küptän tügel Qazanğa Devis kubogın alıp kilep kürsätkän Şamil Tarpişçev üze belän bu proektnı da alıp kilgän bulğan. Üzäkne tözep beterü häm açu ğädättägeçä 2005 yılğa, Qazannıñ 1000 yıllığın bäyräm itkän könnärgä bilgelängän. Ä 27 ğinwardan 2 fшvralgä qädär Qazanda traditsion «Qazan kremle Kubogı»na tennis yarışları uzaçaq. Bıyıl alar 12 märtäbä ütäçäk. Anda 30-lap tennisçı qatnaşır, dip kötelä. Älege turnirda qatnaşuçılar arasında ğadi keşelär öçen ällä ni tanış isemnär bulmasa da, tennis belgeçläre süzlärenä qarağanda, «Qazan kremle Kubogı» öçen şaqtıy ğına köçle Rusiä sportçıları köräşäçäk, dip xäbär itä «İntertat.ru» säxifäse. Şulay itep, kiläçäktä Qazan Rusiädä xokkey, basketbol ğına tügel, ä tennis üzägenä dä äwerelep kitärgä mömkin.
XS
SM
MD
LG