Accessibility links

Кайнар хәбәр

Sişämbedä İzraeldä ğomumi saylawlar ütkärelä


Sişämbedä İzraeldä ütkäreläçäk saylaularnıñ näticäse azmı küpme bilgele. Fiker beleşülär Ariel Sharonnıñ Likud Blogınıñ 120urınlı parlamentta 30-35 deputat çığaraçağın kürsätä. İzraelneñ nigezen salğan ,xäzer parlamentta in zur fraksie bulıp torğan Leyboristlar partiäse bu saylaularda zur ciñelügä duçar bulaçaq dip kötelä. Sharon ciñep çıqsa da ul yañadan ütä uñ , millätçe-dini partiälär belän zäğif koalitsion xökümät oyıştırırğa mäcbür bulaçaq

Saylaularğa ike kön qalğanda İzrael armiese Gaza Sızığında zur xärbi operatsie oyıştırdı. 12 fälästinle häläk buldı 60tan artıq keşe yaralandı. Fälästinlelärneñ xezmät ministırı Gassan Al-Xatip yäkşämbedä bolay dide: bu häcümne saylaulardan elek oyıştırıp Sharon häm Likud xökümäte İzrael cämäğätçelege aldında nıq toruın kürsätergä teläde ,ikençe törle äytkändä İzrael xökümäte yañadan saylanu xisabın fälästin xalqı häm sivillärdän tülätterä Ämma izraelneñ kommunikatsie ministırı Rivlin bu ğäyepläülärne kire qağıp, bez üç alırğa tieşbez.Böten mäsälä şunda häm bu çınbarlıq. Bez watandaşlarıbıznı saqlau öçen här närsäne eşlärgä dävam itäçäkbez dide. İzrael xakimiätläre düşämbedä fälästinnärneñ Könbatış Yordan Üzäne häm Gaza da säyäxät itüen tıydı.Misır häm Yordanie çiklären yaptı. Yuğarıda äytelgäneçä Ariel Sharonnıñ Likud blogı ciñep çığaçaq dip kötelä. Şaqqatırlıq xäl . Sharon vä ulları qatnaşqan finanz skandalı, Sharonnıñ 2001 nçe yılda iminlek , tınıçlıq digän wäğdälären üti almauı , ekonomikanıñ resetsiedä buluı , eşsezlär sanınıñ 10%nı artıp kitüenä qaramastan izraellelärneñ şaqtıy zur öleşe Şaronnı qaytarırğa äzer. Fiker beleşülär ,tikşerülär izraellelärneñ ömedsezlek häm qurqu eçendä buluın kürsätä.Alar nigezdä uñnıñ da sulnıñ da älege problemanı xäl qıla almağanın belä.30yıl buyı izrael belän idarä itkän leyboristlar partiäseneñ bu saylaularda parlamentta 20den dä azıraq urın alaçağı farazlana. Leyboristlarnıñ yaña citäkçese Amram Mitzna , Sharon citäklägän kabinetqa kermiäcägen aldan belderde. Mitznanıñ saylau aldı kampaniesendä Gaza sızığınnan çigenü ,İzrael belän fälästinnärne iminlek divarı belän ayıru kebek fikerläre küpçelek tarafınnan yaqlansa da, ul xalıqnı ruxlandırıp üz yağına cälep itä almadı. Şulayuq Mitznanıñ Gazada ,könbatış Üzänendä yähud maxalläläre tözü öçen sarıf itelgän aqça yaña eş urınnarı buldıru öçen qullanıla ala digän döres kündermäse dä barıp citmäde. Çönki İzraelneñ yarlı , eşçä sıynıfınıñ zur öleşen yaqın könçığış, tönyaq Afrikdan küçep kilgän sefardi yähudläre täşkil itä. Alar tağı leyborislar belän İzraelneñ qart buın Yevropada tuğan elitası arasında bağlanış kürep, partiägä salqın qari. Sharon älbättä Leyboristlar belän zur koalitsie oyıştırırğa telär ide.Bu İzraeldä yaqlanğan kebek çittä dä anıñ imicine yardäm itär die.Läkin Mitzna baştan uq Sharon belän eş itmiäçägen äytte. Sharon öçen alternariva yäğni 3-4 keçkenä dinçe, millätçe partiä belän koalitsie oyıştıru -albastı bulıp tora. İzrael saylaularında öçençe urınğa yäğni farazlarğa qarağanda 17 deputat çığaraçaq yaña partiä bar. Şinui -Üzgäreş partiäse .Ul meteor tizlegendä kütärelde, citäkçse populist televidie yoldızı.Şinui üzen İzraelneñ sekular,urta sıynıfın wäkillek itä dip belderä.Şinui ortodoks yähudlärneñ privilegielärenä, alarnıñ däwlät subsidielägän institutlarına qarşı köräş başlattı. Şinui tik Leyboristlar yäki Likud kebek sekular partiälär belän koalitsiegä kerä alaçagın belderä.Sişämbe kiç bu turıda kübräk beläçäkbez . Ämma ike yıl buyı Sharon belän qänäğät bulmağan İzrael cämäğätçelegeneñ yañadan anı saylarğa cıyınuı şaqqattırlıq närsä. İzraeldä inde ‘tınıçlıqqa almaşqa territorie’ digän şiğarlar işetelmi urtaçıl säyäsät turında beräüdä söylämi, terror İzrael säyäsäteneñ yünäleşen bötenläy üzgärtte.

Färidä Xämit,Praga
XS
SM
MD
LG