Könyaq Korea Prezidentı wäkile Lim Doñ Wan Pxenyanda Tönyaq Korea Prezidentı Kim Joñ İl belän oçraşuğa ireşä almıyça bügen Tönyaq koreadağı 3 könlek säfärennän äylänep qayttı.

Doñ Wan jurnalistlarğa Tönyaq Korea Prezidentı Könyaq korea prezidentınıñ atom krizisı turındağı xatın aldı häm aña cawap birergä ciına dide.

AUDİOPrezidentnıñ xatında “Min Tönyaq Koreanıñ atom mäs’äläse niçek cäzalaw turında qarar çığaraçaq BMO iminlek şurasında qaralğançığa qädär, Tönyaq Koreanıñ atom qoralların taratmaw kileşüenä kiçekmästän kire qaytuın telim” dielä.

Tönyaq Korea BMO atom tikşerüçelären ildän çığarıp cibärde, atom reaktorındağı BMO küzläw cihazların urınnarınnan aldı häm atom qoralların taratmaw turındağı xalıqara kileşüdän çıqtı. Tönyaq Korea atom krizisın barı tik Waşington belän ikeyaqlı söyläşülär aşa ğına çişep bulaçaq dip täqrarlıy.