Äfğanstandağı Amerikan xärbiläre äytüençä, şuşı atnada tawlı töbäktä bulğan hawa xöcüme näticäsendä, ber keşe yaralanğan, ul da bulsa, Taliban suğışçısınıñ 8 yäşlek malayı. Kiçä kiç ätise anı däwalaw öçen Amerikannarnıñ Kandaharda urnaşqan nığıtmasına kitergän. Xäzer anıñ xäle yaxşı dielä. Amerikan xärbiläre süzçese Roger King äytüençä, bu malay, ätiseneñ Taliban yağında, Lejay awılı yanında Amerikan xärbilärenä ut açqan suğışılar arasında buluı, häm hastaxänägä kiler aldınnan avtomatın yäşerep quyuwı turında söylägän. Xäzer anıñ ätisennän soraw alına. Cirle xalıq, Amerikan oçqıçları xöcüme waqıtında 17 civil keşe xäläk buldı dip beldergän ide. Şuşı xäbärne tikşerü öçen täbäkkä ber törkem Äfğanstan räsmie kilde.
