Accessibility links

Кайнар хәбәр

Fälästin citäkçeläre atışlarnı tuqtatuları öçen suğışçan törkemnärgä basımnı arttırdı


Fälästin citäkçelege kiläse atnada Qaxirädä bulaçaq fälästinnärneñ üzara söyläşülärenä qatnaşırğa teläwçe barlıq firqalar İzraelgä häcümnärne tuqtatqan moratoriumğa imza quyarğa tieş dip belderä.Fälästinne Azat itü Oyışmasınıñ ölkän citäkçese Maxmud Abbas bugen fälästin radiosına ‘ Qaxirä oçraşuı dialog, söyläşülärgä tügel ä kileşügä nigezlänergä ‘tieş dip äytte. Abbas süzlärençä,fälästin firqaları arasında atışlarnı ber yılğa tuqtatıp toru mäsäläsendä elemtälär däwam itä . Abbas yaqınça 29aydan birle däwam itkän başkütärügä qarşı. Abbas kiçä Mäskäüdä tışqı eşlär ministırı İgor İvanov belän oçaşqannan soñ, fälästin citäkçelege intifadanı ber il öçen xärbisezläşterü turında ber tawıştan strategik qarar qabul itte dip belderde. Bugen Könbatış Yordan Üzäne şähre Nablusta İzrael xärbiläreneñ ut açuı näticäsendä ike fälästinle häläk buldı.
XS
SM
MD
LG