Nikosia. Berläşkän Millätlär Oyışmasınıñ general’ sekretare Kofi Annan bügen Kiprğa kilde, anda ul utrawnıñ törek häm grek yağı citäkçelärenä, Kiprnı berläşterü planın täqdir itäçäk. Anıñ süzlärençä, bar dönya cämäğätçelege Kipr nizağına çişeleş tabuğa ömetlänä. “Min Kiprğa şunı äytergä kildem, bar dönya cämäğätçelege, şul xätle kiçekterelep kilgän Kipr çişeleşeneñ nihayät ireşelüwenä ömetlänä häm doğalar uqıp tora. Işanam ki, östäldäge täqdim ğädel wä çama belän äzerlängän häm çişeleş ike yaqqa da zur fayda ğına kiteräçäk” di Kofi Annan. Bügen ul utrawnıñ grek wä törek citäkçeläre belän ayırım-ayırım oçraşa, irtägä isä alarnıñ BMO planı turındağı söyläşülärne bergäläşep ütkärüwe qaralğan. İke yaqnıñ da Annan täqdim itkän planğa üz qarşılıqları bar. Kipr törekläre citäkçese Räüf Denktaş utrawnıñ tönyağındağı törek öleşen xalıqara däräcädä tanunı taläp itä.
