Çärşämbe könne, milli zıyalılar Qazan milli mädäni üzägendä ütkän ber kiçägä cieldı. Anda Bötendönya tatar kongressı, Tarix İnstitutı yärdämenä oyıştırğan Gabdelbär Fäyzraxmanovnıñ «Seber tatarları tarixı» digän kitabın täqdir itü buldı. Kitap inde ütkän cäydä basılıp çıqsa da, Qazan zıyalıları aldında anı zurlap täqdim itü hamanda oyıştırılmağan ide. Xäzer genä ul mömkin buldı. Kiçädä, Qazan artistları belän bergä, Tömän ölkäsennän kilgän sänğät ostaları da çığış yasadı. Bäyrämgä çaqıru käğäzendä, mäsälän, Säkinä Aranğulaova, Elmira Batırşina, Läylä ansamble, Mirxäydärovlar ğailäse ansamble, Azat Zimagurov häm Çagvar Qasıymov isemnäre kürsätelde. Täqdim itü kiçäsendä, Tatarstan häm Tömän ölkäseneñ kürenekle ğalimnäre dä qatnaştı.
Bikä Timerova, Qazan
Bikä Timerova, Qazan
