Sişämbe könne Qazanda Tatarstannıñ Sälämätlek saqlaw ministrlığınıñ kollegiä utırışı uzdı. Anda älege ölkädä uzğan yılnıñ näticäläre tikşerelde. Ministr Kamil Zıätdinov süzlärenä qarağanda, citeşsezleklär, problemalar buluğa da qaramastan, respublikada meditsina, sälämätlek saqlaw ölkäsendä eşlär şaqtıy uñışlı ğına bara ikän. Tatarstanda soñğı yıllarda demografik xäl dä cayğa salına başlanğan. Şulay uq respublikada qatlawlı kardio, neyroxirurgiä ölkäse şaqtıy uñışlı ğına alğa bara. Älege ölkädä qatlawlı operatsiälärne üzebezdä eşli başlaw säbäple, xäzer awıruçılarnı çit illärgä däwalanırğa cibärü oçraqları sirägäygän. Tatarstanda 23 rayonara üzäk häm 54 bülek açılğan. Läkin problemalar da az tügel. Mäsälän, onkologiä, tuberkulez, narkologiä, VİÇ-infeksiä awırularınıñ sanı artqannan-arta bara. Qazanda meditsina universitetı uñışlı ğına eşläp kilügä qaramastan, sälämätlek saqlaw ölkäsendä kadrlar mäs’äläse dä tulısınça çişelep betmägän. Qayber vraçlar belän tä'min itelü 50 protsentqa ğına citä. Kollegiä utırışında Tatarstannıñ premyer-ministrı Röstäm Miñnexanov ta qatnaştı.
İnde xäbär itkänebezçä, Rusiädä toraq-kommunal' xezmäteneñ reforması bara. Älege reformanıñ berençe saflarında Qazan şähäre dä bara. Eksperiment räweşendä qazanlılar kommunal' xezmätlär belän xisaplaşunıñ yaña ısulların üzlärendä tikşerep qarıylar. İnde ğinwardan başlap başqalabızda yäşäwçelär älege eksperimentnıñ cimeşlären tatıy da başladılar. Läkin bu äle reformanıñ başı ğına. Toraq-kommunal' xezmäte öçen bäyälär artqannan-arta baraçaq. Älbättä, bu qazanlılarnı bitaraf qaldıra almıy. Bigräk tä älege bäyälär üsüdän pensionerlar, keremnäre az bulğannar aptırıy. Şuşı uñaydan, 4 mart könne xakimiätneñ sotsial' yaklaw idäräse citäkçese Tat'yana Larionova matbuğat konferensiäse ütkärde. Älege oçraşuda süz toraq-kommunal' xezmätläre öçen tüläwlär, tüläwlär öçen birelä torğan adreslı toraq subsiädiälär turında bardı. Şul subsiädiälärne alu niäte belän inde 11 meñnän artıq keşe möräcäğät itkän dä ikän. Läkin şulardan barı tik 2 meñe genä subsidiäne alırğa xoquqlı dip tabılğan. Küräseñ, qalğannarı
