Accessibility links

Кайнар хәбәр

Vaclav Klaus Çexiäneñ yaña prezidentı bularaq ant itte


Praga. Vaclav Klaus bügen räsmi töstä ant itep, Çexiäneñ yaña prezidentı wazifaların ütäwgä kereşte. Şuşı tantanada yasağan çığışında ul Çexiäneñ 2004-nçe yılda Yewropa Berlegenä quşıluwı öçen tırışaçağın, elekke prezident Vaclav Havelnıñ bar yaxşı başlanğıçların däwam itärgä teläwen belderde. 1992-97-nçe yıllarda Klaus Çexiäneñ premyer-ministrı bulıp torğan ide, şunnan soñ anıñ prezident Havel belän araları ber dä yaxşıdan bulmadı. Soñğı yıllarda ul uñ ODS partiäsen citäkläp, bıltır anıñ fäxri räise itep saylandı. Uñçı Klausnıñ yaña prezident itep saylanuwı xakimiattäge sulçı sotsial-demokratlar arasında krizis tudırdı, alar citäklägän xökümät kiläse sişämbedä parlamentta üzenä ışanu mäs’äläsen çığara.
XS
SM
MD
LG