Accessibility links

Кайнар хәбәр

Yewropa Berlegeneñ tışqı säyäsät öçen cawaplı ölkän wäkile Javier Solana Yewropa Berlege däwlätläre BMOnıñ Ğiraq turındağı rezolütsiäsenä zur tä’sir yasıy almıy dip belderde.


Bügen Solana Lyublyanada Sloveniä premyer-ministrı Anton Rop belän oçraştı. Solana berlekneñ üzendä dä, şul isäptän, BMO İminlek Şurasınıñ daimi äğzası bulğan berlek äzğaları arasında da qaraşlar bülenü säbäple, Yewropa Berlege İminlek Şurasında töp rol’ne uynıy almıy dide. Solana Sloveniäneñ Yewropa Berlegenä häm NATO-ğa quşılıu turında çığış yasap, bu oyışmalarnıñ berse dä Sloveniädän başqa tulı bula almıy dide. 23 martta Sloveniälelär Yewropa Berlegenä häm NATOğa quşılu mäs’äläse quyılğan referendumda tawış biräçäk. Sloveniä Premyer-ministrı Rop Serbiä Premyer-ministrı Zoran Djindjiçnıñ üterelüe Sloveniälelärneñ NATO-ğa quşılunı yaqlawına yardäm itä ala, çönki ul elekke Yugoslaviä illärendä totrıqsızlıqnıñ däwam itüen kürsätte dide.
XS
SM
MD
LG