Pänceşämbe könne Tatarstanda, başqalabız Qazanda tormış ğädättäge qalıbında bardı. Suğış başlana dip qurqıp, öydä yatuçılar yuq. Barlıq xalıq irtän, ğädättägeçä, eşkä yunälde yä köndälek öy eşlärenä totındı. Döres, ber Qazan gäziteneñ pänceşämbe sanında Qazan kibetlärendä häm bazarlarında azıq-tölektän, başqa tormış kiräk-yaraqları tawarları alu kimegän, digän xäbär buldı.
Amerika-Ğiraq suğışına turıdan-turı qağılğan çara Qazan däwlät universitetı qarşındağı mäydanda uzdı. Älege röxsät itelgän mitingnı Respublika atom-töş qoralına qarşılıq komitetı oyıştırdı. Älege oyışmanıñ mondıy qarşılıq aksiäse berençese genä tügel. Mondıy miting ğinwar urtalarında ber uzdırılğan ide inde. Bügenge mitingnı alıp baruçılar arasında milli xäräkät, kommunistlar, “Народная воля” kebek rus ictimaği oyışmaları wäkilläre dä bar ide.
Audio (Färit Xäbibullin miting barğan cirdän yıraqta qarap toruçı yäşlärne aktivlıqqa çaqıra.)
Läkin şundıy yalqınlı öndäwlärgä qaramastan, universitetnıñ töp binası yanınnan tız-bız yörep torğan yäşlärneñ kübese miting barğan urınğa ozaqlap tuqtap tormadılar. Mitingnı oyıştıruçılarnı bu wäzğıät borçısa da, äle bu küreneş yäşlärneñ suğış-tınıçlıq mäsäläsenä bitaraflığın raslamıy ide. Miting başlanır aldınnan Ğiraq suğışı temasına ber törkem filologiä fakultetı studentları belän äñgämä qordım. Berençe kurs studentı Aygöl söyli:
Audio (Aygöl, suğış bulsa, xalıqara wäzğıätneñ qatlawlanaçağın farazlıy.)
Ä öçençe kurs studentları tiränräk fiker yörtülären kürsättelär. Alar bu suğışnıñ Rusiägä tä'sire turında da uylıylar:
Audio (Söyläwçe Rusiäneñ bu suğıştan çittä toruı xäyerle buluı turında äytä. Anıñ fikerençä, bu konfliktta Amerikanı da, Ğiraqnı da yaqlap bulmıy.)
Şulay itep, AQŞnıñ “Ğiraq azatlığı” dip atağan xärbi operatsiäsenä Tatarstanda menä şundıy mönäsäbät. Säyäsi xäräkätlär berdäm qarşı, ä alar wäkilçelek itkän xalıq tınıçlıq saqlıy.
Amerika-Ğiraq suğışına turıdan-turı qağılğan çara Qazan däwlät universitetı qarşındağı mäydanda uzdı. Älege röxsät itelgän mitingnı Respublika atom-töş qoralına qarşılıq komitetı oyıştırdı. Älege oyışmanıñ mondıy qarşılıq aksiäse berençese genä tügel. Mondıy miting ğinwar urtalarında ber uzdırılğan ide inde. Bügenge mitingnı alıp baruçılar arasında milli xäräkät, kommunistlar, “Народная воля” kebek rus ictimaği oyışmaları wäkilläre dä bar ide.
Audio (Färit Xäbibullin miting barğan cirdän yıraqta qarap toruçı yäşlärne aktivlıqqa çaqıra.)
Läkin şundıy yalqınlı öndäwlärgä qaramastan, universitetnıñ töp binası yanınnan tız-bız yörep torğan yäşlärneñ kübese miting barğan urınğa ozaqlap tuqtap tormadılar. Mitingnı oyıştıruçılarnı bu wäzğıät borçısa da, äle bu küreneş yäşlärneñ suğış-tınıçlıq mäsäläsenä bitaraflığın raslamıy ide. Miting başlanır aldınnan Ğiraq suğışı temasına ber törkem filologiä fakultetı studentları belän äñgämä qordım. Berençe kurs studentı Aygöl söyli:
Audio (Aygöl, suğış bulsa, xalıqara wäzğıätneñ qatlawlanaçağın farazlıy.)
Ä öçençe kurs studentları tiränräk fiker yörtülären kürsättelär. Alar bu suğışnıñ Rusiägä tä'sire turında da uylıylar:
Audio (Söyläwçe Rusiäneñ bu suğıştan çittä toruı xäyerle buluı turında äytä. Anıñ fikerençä, bu konfliktta Amerikanı da, Ğiraqnı da yaqlap bulmıy.)
Şulay itep, AQŞnıñ “Ğiraq azatlığı” dip atağan xärbi operatsiäsenä Tatarstanda menä şundıy mönäsäbät. Säyäsi xäräkätlär berdäm qarşı, ä alar wäkilçelek itkän xalıq tınıçlıq saqlıy.
