Ğiraqtağı suğışnıñ qaytawazı Qazanğa kilep citte. Bu borçulı temanı berençelärdän bulıp kommunistlar firqäse wäkilläre kütärep çıqtılar. “Amerika imperializmına – yuq”, “Suğışnı tuqtatığız!” digän torğınlıq yılların xäterlätkän usal şiğärlär kütärep, alar ikençe kön İrek mäydanında suğışqa qarşı imza cıyalar. Pänceşämbedä protest belderüçelärneñ 5 meñ imzası cıyılğan bulsa, bügen köndezge 11dä äle 20 keşe genä AQŞ imperialistlarına näfrät birep imza quyğan.
Ğiraqtağı yıraq suğışqa mönäsäbät Tatarstanda da, Rusiädä dä bertörleräk dip äytep bula. Amerika xakimiätläreneñ dönya cämäğätçelege fikeren ayaq astına salıp taptap suğış başlawı räsmi dairälärdä tiskäre bäyälände. Ä inde firqälärneñ mizgeldän faydalanuı – kiläse saylawlarğa bäyle ikäne härkemgä añlaşıla. Olı yäştäge keşelär “suğış” süzen siskänep qarşı alalar. Menä, mäsälän, Tatarstannıñ elekkege premyer-ministrı Möxämmät Sabirov bolay dide.
Audio (Sabirov suğış nujaların yäşli toyıp üskäne, yaqınnarınıñ törle awırlıqlar kiçerüe turında söyli)
Tik şulay da, ber paradoks turında äytmi bulmıy. Yıraqtağı Ğiraq-Amerika suğışı bezneñ xalıqta allergiä quzğata, ä menä yaqındağı Çeçen suğışına ul bitaraf.
Xäyer, Saddam Xösäyen kebek qanlı diktator yazmışı, Ğiraqnıñ kiläçäge turında başqaçaraq fiker yörtüçelär dä baytaq. Mäsälän, Tatarstan xalıq deputatı Marat Galiev süzlären küplär xuplar ide. “Xösäyen – bandit, bu barsına da añlaşıla, ul üzeneñ ilen terrorğa batırdı, kürşelärenä yanıy. Anıñ belän närsä söyläşergä bula”, - sitata tämam. “Вечерняя Казань” gäcitenä birgän intervyusında Marat äfände “Buşnı kürsäm, äyter idem: eşne başladıñ isä, axırına citker dä, blokadanı Ğiraqtan al, bu il tizräk sivilizatsiä dönyasına kire qaytsın,” – digän teläk beldergän.
Şundıy uq aqıllı fikerlärdän berse: Rusiäneñ üz qayğısı – qayğı, aña Ğiraqtağı suğış qına citmägän. Tıqşınmaw, çittä toru Rusiäneñ iñ döres säyäsäte bulır digän fikerne dä xuplamıy bulmıy.
Ğiraqtağı yıraq suğışqa mönäsäbät Tatarstanda da, Rusiädä dä bertörleräk dip äytep bula. Amerika xakimiätläreneñ dönya cämäğätçelege fikeren ayaq astına salıp taptap suğış başlawı räsmi dairälärdä tiskäre bäyälände. Ä inde firqälärneñ mizgeldän faydalanuı – kiläse saylawlarğa bäyle ikäne härkemgä añlaşıla. Olı yäştäge keşelär “suğış” süzen siskänep qarşı alalar. Menä, mäsälän, Tatarstannıñ elekkege premyer-ministrı Möxämmät Sabirov bolay dide.
Audio (Sabirov suğış nujaların yäşli toyıp üskäne, yaqınnarınıñ törle awırlıqlar kiçerüe turında söyli)
Tik şulay da, ber paradoks turında äytmi bulmıy. Yıraqtağı Ğiraq-Amerika suğışı bezneñ xalıqta allergiä quzğata, ä menä yaqındağı Çeçen suğışına ul bitaraf.
Xäyer, Saddam Xösäyen kebek qanlı diktator yazmışı, Ğiraqnıñ kiläçäge turında başqaçaraq fiker yörtüçelär dä baytaq. Mäsälän, Tatarstan xalıq deputatı Marat Galiev süzlären küplär xuplar ide. “Xösäyen – bandit, bu barsına da añlaşıla, ul üzeneñ ilen terrorğa batırdı, kürşelärenä yanıy. Anıñ belän närsä söyläşergä bula”, - sitata tämam. “Вечерняя Казань” gäcitenä birgän intervyusında Marat äfände “Buşnı kürsäm, äyter idem: eşne başladıñ isä, axırına citker dä, blokadanı Ğiraqtan al, bu il tizräk sivilizatsiä dönyasına kire qaytsın,” – digän teläk beldergän.
Şundıy uq aqıllı fikerlärdän berse: Rusiäneñ üz qayğısı – qayğı, aña Ğiraqtağı suğış qına citmägän. Tıqşınmaw, çittä toru Rusiäneñ iñ döres säyäsäte bulır digän fikerne dä xuplamıy bulmıy.
