Ğıraq başlaqasındağı xabärçelär bugen könbuyı şähärdä tormış normal , tınıçlıq xökem sörä dip belderep kilde. Ämma suğış başlanuınıñ öçençe tönendä dä Bagdadta qatı şartlaular işetelä
AQŞ saqlanu ministırı Donald Rumsfeld Ğıraqqa qarşı hava suğışı başlandı dip iğlan itte. hÄm bu suğışnıñ mäqsatı Saddam Xösäin rejimın bärep töşerü , terroristlarnı yuq itü, ilne qoralsızlandıru dip belderde.Ul ğıraq rejimınıñ kontrolne yuğalta başlauın da äytte .
Başqala kügendä aq qızgılt sarı utlar kürenä häm qara tötennär kütärelä. Reuter agentlığı prezidnet Saddamnıñ saray kompeksı bombalandı ul yaña dip belderde. Bugenge höcümdä närsälärneñ hädäf alınuı älegä bilgesez. Hava höcüme sirennärennän soñ şartlau tawışları işetelä. .Korrespondetlar arada Ğıraqnıñ oçqıçlarğa qarşı artileriäseneñ cawap utı da kürenä dip belderä. ide. Ğıraqnıñ tönyağında strategik yaqtan möhim Musul şähreneñ havadan bombalanuı turında xabär itelä. AQŞ nıñ general ştab başlığı general Richard Myers koalitsiä köçläre Ğıraqnıñ eçendä 160 çaqırım yul ütte , Ğıraqnıñ könyağında häm tönyaqta soldatlar birelä, tizlektä bez östämä yözlärçä xärbi hädäfkä höcüm oyıştıraçaqbız dip söyläde.
AQŞnıñ xärbiläre könyaqtan Bagdatqa taba köne buyı çağıştırmaça qarşılıq kürmi yullarına däwam itte. AQŞnıñ 3- ciröste diviziäse belän bergä barğan azatlıq xabärçese Ron Synowitz ber bülekneñ Yefrat yılğasında Nassiriye yaqınanda Ğıraq Armiäseneñ tank, artilerie, häm cäyevle ğäskäriläreneñ qarşılıq kürsätüe aldında qaluın belderde. Nassiriye Yefrat yılgasında möhim urın häm ul Bagdattan 375 çaqırım yıraqta.Yefrat yılgasınnan tizlektä ütü suğış planınıñ möhim komponentı bulıp tora. AQŞ dingezçeläre bugen Ğıraq portı Umm Qasrda qarşılıq kürsätü aldında qaldı. Ämma räsmilär portrnıñ alınğanın rasladı. Quşma Ştatları şulayuq xärbilärneñ Ğıraqnıñ könbatış çülendä ike strategik hava mäydanıñ yaulap aluların xabär itte. Londonda saqlanu ministırı Hoon elek xabär itelgäneçä 30tügel ä 7 neft qoyısınıñ yanuın belderde. Ul könyaqtağı qoyılar xäzer imin dip qabatladı.
Waşingtonda prezident G.Bush AQŞcitäklägän koalitsion köçlär Ğıraqqa qarşı suğışta progress yasıylar dip belderde. Bush süzlärençä (audio)
Progress bar,bez ğıraqnıñ küpläp üterü qoralların yuq itühäm ğıraq xalqın ömedle , demokratik häm kürşeläre belän tınıçlıqta yäşäwçw cämğiät xälenä kiterü mäqsatıbızğa ireşkänçe wazıyfabızğa däwam itäçäkbez
Bush bu turıda Aqyortta ölkän räsmilär belän oçraşqannan soñ belderde.
AQŞdäwlät sekretarı C.powell törek xärbiläreneñ tönyaq Ğıraqqa kerüläre kiräksez dip äytep , AQŞ oçqıçlarınıñ Törkiä östennän oçu mäsäläsendäge qıyınlıqlar tizlektä xäl qılınır digän ömed belderde Törkiä paralemntı kiçä oçu mäsäläsen raslasa da, qayber oyışıtıru problemaları bar ikän .Powell süzlärençä(audio)
Min ütkän töndä premier Erdoğan belän ozaq qına (Törkiäöstennän oçu mäsäläse turında söyläştem, xäl qılırbız dip uylıym,bulmasa alternativ çaratabırğa tieşbez.
İke xökümät, Ankaranıñ tönyaq Ğıraqqa, mohacirlarnıñ ağıluın tuqtatu öçen xärbilär künderü mäsälsäendä bäxäsläşä.Quşma Ştatları, başta könyaq Törkiädä 62meñ ğäskärien urnaştırırğa telägän ide.Törkiä parlementı moñı kire qaqqaç, Waşington wäğdä itkän yardäm paketın birmäskä buldı häm xäzer ul Törkiä östennän oçu xoquqın ğına alırğa tırışa.parlamentnıñ kire qaqqan berençe täqdimdä törek xärbilärenä tönyaq Ğıraqqa kerü räxsäte birelä ide.
Färidä Xämit,Praga
Färidä Xämit,Praga