Düşämbe könne awır bula, dilär. Çönki ir-atlar häm ğomumän salırğa yaratuçılar bu könne maxmır kiçerä, ä eş kirägennän artıq küp bula. Bu düşämbedä Tatarstan başqalası şundıyraq xäldä. Partiä maxmırı, yäğni firqä cıyılışlarınnan soñ bula torğan säyäsi buşlıq, ictimaği, säyäsi eşlärne belüçelärneñ eçke xaläten añlata. Şimbä könne Mäskäwdä ütkän “Berdäm Rusiä” qorıltayında yaña tözelep kilä torğan partiä üzeneñ qiblasın iğlan itte. Tatarstannan saylanğan deputat häm “Rusiä regionnarı” fraksiäse citäkçese Oleg Morozov häm anıñ fikerdäşläre äzerlägän Manifest bu partiäne ğomumrusiä uñış yulın kürsätüçe dip iğlan itte. İdeologiä ezläwçelär “Berdäm Rusiä”neñ qızıl yäki aq, sul yäki uñ ideologiäsen taba almas. “Bez barısı öçen dä cawap biräbez, sotsial'-iqtisadi reformalar da Rusiäneñ dönya külämendäge abruyı häm tä'sire dä bezneñ plannarğa kerä”, dielgän bu Manifestta. Şuña kürä parlamenttağı deputatlarnıñ küpçelege dä şuşı Ayu firqäsendä bulırğa tieş. Xökümät tä häm idärä strukturalarında eşläwçelär dä şuşı firqäneñ äğzaları yäki tarafdarları bulaçaq. Bu şaqqatırğıç şiğar'lärneñ mäğnäsen äle añlawçılar azdır. Yaña xakimiät partiäseneñ qiblasın añlawı ciñel tügel. Partiägä kerüçelär öçen töp ideyä – xakimiätkä yaqınraq bulu.
Yarar, dönya kürsäter eşneñ qaya baruın. İñ möhime - şimbä könne Mäskäwneñ “Kosmos” kunaqxänäsendä ütkän çirattan tış qorıltaynıñ prezidiumında Tatarstan prezidentı Mintimer Şäymiev utırdı. Ul, xätta, töştän soñğı ber utırışnı alıp ta barğan. Näq şul waqıtta Rusiäneñ awıl xucalığı turında ilneñ awıl xucalığı ministrı Gordeyev bik xikmätle süzlär belän çığış yasadı. Bu firqäğä abruylı prezidentlar, tä'sirle gubernatorlar, ministrlar, ataqlı artistlar bik kiräk. Äkämät qüätle firqä bulaçaq, dilär. Liberal' fikerlelär mondıy perspektivadan qurqıp, poşamanğa töşä. Tatar millätçeläre xäzergä üzläre telägän yağımlı süzlärne işetmäde.
“Berdäm Rusiä” deputatları Tatarstanğa häm tatar xalqına qarşı qanunnarnı yaqlap tawış birä. Döres, 12 milliard sum toruçı sotsial'-iqtisadi üseş programmaları Duma aşa şuşı fraksiä yärdämendä ütkän, dilär. Yıl sayın 12 milliard tamıp torğaç, bälki säyerräk qiäfätle firqälärne dä yaqlarğa turı kiläder. Şäymiev Dumada utıruçılar, xätta, Tatarstannan saylanğannarı da bezne yaqlamıy, şuña kürä üzebez barırğa tieş, digän ber xikmätle fiker äytkän ide. Deputat Färidä Ğäynullina, bezne Mäskäwdä, Däwlät Dumasında önäp betermilär, dip matbuğatta açıqtan-açıq çığış yasadı. Rusiä parlamentı tatarnı yaratmıy dip, firqä millätlärgä qırın qarıy dip, başnı taşqa bärep bulmıy. Härkem üzeneñ küñele tartqan yaqqa bara.
Yarar, dönya kürsäter eşneñ qaya baruın. İñ möhime - şimbä könne Mäskäwneñ “Kosmos” kunaqxänäsendä ütkän çirattan tış qorıltaynıñ prezidiumında Tatarstan prezidentı Mintimer Şäymiev utırdı. Ul, xätta, töştän soñğı ber utırışnı alıp ta barğan. Näq şul waqıtta Rusiäneñ awıl xucalığı turında ilneñ awıl xucalığı ministrı Gordeyev bik xikmätle süzlär belän çığış yasadı. Bu firqäğä abruylı prezidentlar, tä'sirle gubernatorlar, ministrlar, ataqlı artistlar bik kiräk. Äkämät qüätle firqä bulaçaq, dilär. Liberal' fikerlelär mondıy perspektivadan qurqıp, poşamanğa töşä. Tatar millätçeläre xäzergä üzläre telägän yağımlı süzlärne işetmäde.
“Berdäm Rusiä” deputatları Tatarstanğa häm tatar xalqına qarşı qanunnarnı yaqlap tawış birä. Döres, 12 milliard sum toruçı sotsial'-iqtisadi üseş programmaları Duma aşa şuşı fraksiä yärdämendä ütkän, dilär. Yıl sayın 12 milliard tamıp torğaç, bälki säyerräk qiäfätle firqälärne dä yaqlarğa turı kiläder. Şäymiev Dumada utıruçılar, xätta, Tatarstannan saylanğannarı da bezne yaqlamıy, şuña kürä üzebez barırğa tieş, digän ber xikmätle fiker äytkän ide. Deputat Färidä Ğäynullina, bezne Mäskäwdä, Däwlät Dumasında önäp betermilär, dip matbuğatta açıqtan-açıq çığış yasadı. Rusiä parlamentı tatarnı yaratmıy dip, firqä millätlärgä qırın qarıy dip, başnı taşqa bärep bulmıy. Härkem üzeneñ küñele tartqan yaqqa bara.
