Duma deputatı, Liberal Rusiä partiäse citäkçese Sergei Yuşenkov bügen Mäskäwneñ Vagankovo ziaratında cirlände. Sergei belän xuçlaşırğa meñlägän keşe kilde: anıñ dusları, yaqınnarı, säyäsätçelär, ğadi keşelär. Yasalğan çığışlarda bu – säyäsi üterü, Rusiädä säyäsi teror däwam itä, digän süzlär yañğıradı. 52 yäşlek Sergei Yuşenkov 17 aprildä üzeneñ yortı aldında atıp üterelde. Bu könne anıñ Liberal Rusiä partiäse dikäberdä ütäçäk saylawlarğa terkälü ütkän ide. Sergeiga 4 tapqır atqan keşe qaçıp kitä alğan, cinäyätkä bäyle räweştä älegä berkem dä qulğa alınmadı.
