OPEC oyışmasınıñ neft ministrları , Ğiraqta yañadan neft çığarıla başlawnıñ näticäsendä-bazarda bäyälärneñ kisäk töşep kitüen buldırmas öçen çaralar kürü turında bügen Venada söyläşülärgä cıyıldı. Reuters mäğlümat agentlığı Söğed Ğaräpstan ministrı Ali äl-Naimi süzlären kiterep, Ğiraq suğışına qadär bilgelängän külämne kimetü ixtimalı bar, dip xäbär itte. Mart ayında,OPEC, Ğiraq suğışı başlanğaç neft bazarında bäyälär kisäk üsmäsen öçen başqa illärneñ neft çığaruın arttırğan ide. Oyışma, neft çığaru külämen üzgärtü aşa, ber miçkä neftneñ bäyäsen 22dän alıp 28 dollar arasında totırğa tırışa.
