Accessibility links

Кайнар хәбәр

Yaqın Könçığış öçen yaña tınıçlıq planı tizlektä iğlan iteler dip kötelä


Sişämbedä cıyılğan Fälästin parlamentı premier itep bilgelängän Maxmud Abbasnıñ kabinetın raslar dip kötelä. Şulay itep Quşma Ştatları, Yevropa Berlege , BMOsı häm Russiä tarafınnan äzerlängän yaqın könçığışta tınıçlıq urnaştıru häm 2005nçe yılda Fälästin däwläteneñ oyışuına yul açaçaq plannıñ bu atnada iğlan itelüe öçen quyılğan şart ütälgän bulaçaq

Yaqınça 3 yıl däwam itkän köç qullanu, qan qoyu häm meñnärçä keşeneñ häläk buluınnan soñ İzrael häm Fälästinnär , yaqın könçığışta tınıçlıq urnaştıraçaq xalıqara cämäğätçelek ximäyäsendä äzerlängän yaña plannı sınarğa cıyınalar. Kuartet dip yöretelgän Waşington, Russiä, Yevropa Berlege häm BMO sınnan torğan törkem ‘solıx yulı ‘dip atağan tınıçlıq planınıñ iğlan itelüe öçen reformaçı fälästin kabinetınıñ raslanıp eşbaşına kilüe zarur digän şart alğa sörgän ide. Fälästin citäkçese Arafat belän anıñ premier itep bilgelägän Maxmud Abbas arasında kabinet mäs’äläsendä bäxäs atnalarça däwam itte, nixäyät Arafat häm anıñ Fatax xäräkäte düşämbedä fatixa birgännän soñ xökümätneñ parlamäntta raslanu ixtimalä arttı. AQŞ däwlät sekretarı C.Powell fälästinnärneñ yaña xökümäteneñ eş başına kiläçäge turındağı xabärgä qarata (audio) Bez bu täräqiät belän qıyulandıq,fälästin xakimiätendäge üzgäreş , fälästin xalqına İzrael, AQŞ, kuartet äzğaları häm töbäktäge başqa illär belän eşli alaçaq cawaplı partnär ,premiergä iä bulu mömkinlegen birä . Kuartetneñ äzerlägän’ solıx yulı ‘ isemle planı häm fälästin häm İzraeldän törle çaralar kürülären şulsanda fälästinnärneñ intihar höcümnären tuqtatuın,İzraelneñ fälästinärneñ tornışın yaxşırtu öçen adımnar atlauın taläp itä .Taraflar arasındağı solıx söyläşüläre2000nçe yılda Camp Davidtä körçekkä terälde,şunnan soñ fälästinnärneñ intifata-başkütärüe başlandı. Yaña premier Abbas urta yulda toruçı säyäsätçe, ul fälästinnärneñ mäqsatlarına ireşü eşendä Arafattan nıq ayrıla, Abbas Waşington belän dä İzrael belän dä eşlärgä äzer . Ul sişämbedä parlamentta yasağan çığışında terrornıñ barlıq formaların xökem itep , İzrael belän Abbas terror dini vä moral traditsiälärgä qarşı , ul bezneñ mäqsatıbızğa xezmät itmi, anı cimerä genä dip äytte. Xäzer Waşingtonda fänni institut prezidentı bulıp torğan, Amerikanıñ yaqın könçığış diplomatiäsendä 12yıl töp rolne uynağan Dennis Rose, Abbas uñışqa ireşü öçen fälästin xalqı arasında yaqlau tabarğa tieş dip äytte. Waşington Arafatqa terror belän bäylängän dip qarıy , küpkenä fälästinnär isä xäyerçelektä yäşäsä dä alar Arafatqa ikonağa tabınğan kebek tabına , ul Abbas belän kabinet mäs’äläsendä atnalarça talaştı ,anıñ yaña problemalar tudırmayaçağına garantie yuq. Ross süzlärençä(audio) Arafatnıñ qartayğan ğäskär kebek çığıp kitü, yuq bulu şansı yuq. Bu keşe üzenä äle dä elek bulğan kebek qari. Ul üzen fälästin mäsäläseneñ simvole itep kürä Abbas urta yulda toruçı fälästinnär arasında yaqlana , anıñ ğadi xalıq arasında yaqlau tabu öçen Ross fikrençä: Ul tormış standartın yaxşırtırğa , şartlarnı qulaylaştırırğa tieş. keşelär, tovarlar ber cirdän ikençesenä ciñellek belän küçergä, mäktäplär açılırğa, hiç bulmağanda qayber fälästinnär İzrael yağında eşlärgä , Yuğarı citäkçelek çit illärgä säyäxät itü xoquqına iä bulırğa tieş. Fälästin territorielärendä İzrael utarlarınıñ tözelüe tuqtatılırğa tieş. Ämma dä läkin solıx yulınıñ uñışqa ireşüe öçen in möhim närsä, iminlek .İzrael köç qullanu tuqtalmıy bernindi dä adım atlamayçaq, monısı bilgele, Kiçä Premier A.Şaron Abbasnı terrorğa qarşı effektiv köräşergä çaqırdı . Hämäs, İslamçı Çihad häm Al Aqsa şäxitläre brigadası isemle törkemnär Abbasnıñ qoralsızlanu plannarın kire qaqtı inde. Eleke diplomat Dennis Ross İzrael fälästinnärgä quyğan çikläülärne sülpänäytergä häm fälästin territoriäsendäge yähud maxallälären kimetergä tieş dip äytep ğäräb illäreneñ iqtibarnı yaqın könçığışqa cälep itü tırışlıqlarına yuğarı bäyä birde. Ul ğäräb illären fälästin xalqına kübräk finans yardäme birergä çaqırdı. Älegäçä in zur yardäm Suğut Ğäräbstänennän kilä, ämma bay suğutlar Norvegiegä qarağanda üzeneñ tuğannarına , din qardäşlärenä azıraq yardäm birä.

Färidä Xämit, Praga
XS
SM
MD
LG