Accessibility links

Кайнар хәбәр

Berençe yañğır


Şundıy ber traditsiä bar. Ägär Mintimer Şäymiev Tatarstan rayonnarına çığıp, basularda yörsä – näq ikençe könne yañğır yawa. Salqın yäkşämbedän soñ, basulardağı küläweklär bozlanğaç, Tatarstan prezidentı Layış rayonına bardı. Törle sotsial' obyektlarnı qaradı, basularda buldı, xikmätle süzlär äytte. Layış rayonında Derjavin tuğan awılda bıyıl yubiley çaraları bulaçaq, ul xaqta da prezident fikerlär äytte. “Karavon” dip atalğan rus milli bäyräme bıyıl şul uq Layış rayonında zurlap ütkäreläçäk. Töp näticä şundıy. Sişämbe könne Şäymiev rayonnan qaytıp Qazanğa çıqqaç, kön beraz cılına töşte, yañğır tamdı. Çärşämbe isä tağı da yañğırlıraq häm cılıraq buldı.

Röstäm Miñnexanov ta respublika rayonnarın urap yöri. Ul Älmätkä dä kerep, “Tatneft” berläşmäseneñ direktorlar şurası eşendä qatnaştı. Şulay itep, citäkçelär cirdä, dönya malları yulında.
XS
SM
MD
LG