Accessibility links

Кайнар хәбәр

Fälestin premyer-ministrı Mähmud Abbas üzeneñ berençe utırışın uzdırdı


Bügen Gaza şähärendä kimendä 7 fälestinle, alar arasında 2 yäşlek bala häm 13 yäşlek malay, arıp üterelde. Könbatış Yardağı Hebron şähäre yanında İsrael xärbiläre tikşerülär uzdırğanda tağın ike fälestinlene atıp üterde. İsrael ğaskärläre isä mondıy çaralarğa kiçä Tel Avivta bulğan intixar terrorınnan soñ bardı. Şulay uq bu terror waqiğaläre Yaqın Könçığışta yaña tınıçlıq planın iğlan itü belän bergä turı kilde. Amerika Quşma Ştatalrı, Yevropa Berlege, Rusiä häm Berläşkän Millätlär Oyışması ximayasendä tözelgän bu plan, İsrael häm Fälestinne köç qullanunı tuqtatırğa çaqıra. Fälestinneñ xezmät ministrı Ğassan al-Khatib, İsraelne bügenge çaraları öçen kisken täñqitläde, alarnıñ “tınıçlıq planı” cimerer öçen maxsus oyıştırılğan buluda ğayepläde: “Diplomatik çaralarğa qarşı İsrael maxsus tiskäre işarälär yasıy. Ägär dä İsraelgä “tınıçlıq planın” şartların ütäw turında tieşle basım yasalmasa, İsraelneñ köç qullanuınıñ çige bulmayaçaq”, dide al-Khatib. Suğışçan Hämäs törkeme başlığı Abdel Aziz Rantisi, İsraelgä qarşı köräş däwam itäçäk, dip belderde. Premyer-ministr Mahmud Abbas bügen üzeneñ berençe utırışın uzdırdı. Utırışta İsraelneñ bügen Gaza sızığınağı çaraları täñqitlände, xalıqara cämäğätçelekkä İsraelne tıyarğa möräcäğät yasaldı. Utırışta Yasser Arafatnıñ qatnaşmawı Fälestin Xakimiätendäge reformalarnıñ yaxşı başlanğıçı bularaq qabul itelde.
XS
SM
MD
LG