Amerikan xärbi köçläreneñ üzäk idaräse, Säddäm rejimınıñ tağın 3 wäkile, elek Säddäm Hösäinneñ xärbi sänäğäte idaräse başlığı Abd al-Tawab Mulla Huwayş häm elekke vice prezident, Revolyutsiä İdaräse Şurası äğzase Taha Muhyl al Din Maruf, häm Baath partiäse yulbaşçılarınıñ berse, xärbi citäkçe Mizban Xadr Hadi qulğa alındı dip xäbär itte.
Ğiraq politsiäse isä uzğan ayda Najaf şähärendä şiği möselman ruxanie Sayyed Abdul Mäcidne üterüdä şiklänelgän ike keşene tapqan. Bügen töndä Amerika Quşma Ştatları prezidentı George Bush Ğiraqta möhim xärbi çaralarnıñ tämamlanuı turında iğlan itte.
