Sişämbe kiçendä Tatarstan başqalasında iñ yaxşı citäkçelär bäygeseneñ näticäsen bilgeläw häm büläklärne tapşıru tantanası buldı. Anda barlığı 200 keşe qatnaşqan. İñ zur büläkkä «TübänKamaneftexim» şirkäte citäkçese Vladmir Busıgin layıq buldı. Ul respublika iqtisatına ayıruça zur fayda kitergän ikän. Anda şulay uq neft şirkätläre citäkçeläre, zur kibetlär, iminiät fondları citäkçeläre dä büläklände. Bu cielışnıñ üzençälege tağın şunda - moña qädär «Piramida» küñel açu üzäge yanında şul xätle zatlı maşina tuqtağanı, ä eçendä zatlı kostyum häm halstuk kigän şul sanlı türälärneñ bergä cielğanı bulmağandır.
