Accessibility links

Кайнар хәбәр

Tatarstan delegatsiäse Peterburğa kitte


Tatarstannıñ räsmi delegatsiäse comğa könne Peterburğa yul tottı. “Tatar-inform” xäbärlärenä qarağanda, älege törkemne prezident Mintimer Şäymiev färmanı nigezendä Tatarstannıñ Däwlät Sovetı räise Färit Möxämmätşin citäkli. Delegatsiägä şulay uq premyer-ministr urınbasarı Zilä Wälieva, Prezidentnıñ xalıqara mäs'älälär kiñäşçese Timur Akulov, Qazan şähäre xakimiäte başlığı Kamil İsxakov, Sovet rayonı xakimiäten citäkläwçe Al'bert Kamaliev häm Alekseyevski rayonı başlığı Aleksey Demidov kertelgän. Mäğlüm ki, Neva yarlarında urnaşqan Şimal Pal'miranıñ 300 yılllığına bağışlanğan çaralar 23 maydan 1 iyüngä xätle däwam itäçäk. Älege delegatsiä Piterda ike genä kön bulaçaq. Ber-işe xäbärlärgä qarağanda, küpsanlı çit il qunaqları kilü säbäple, xätta Rusiä regionnarı citäkçeläre dä Sankt-Peterburgqa iyün başında ğına maxsus cıyılaçaqlar. Anda Rusiäneñ Däwlät Şurası utırışı uzaçaq dilär.
XS
SM
MD
LG