Qunaqnı Qazannıñ hawa qırında qarşılağanda uq prezident Mintimer Şäymiev bu vizitnı tarixi waqiğa dip bäyäläde. Äye Tatarstan-UNESCO bağlanışlarınıñ inde qısqa ğına bulsa da tarixı da bar. 2000 yılnıñ cäyendä UNESCO general' direktorı urınbasarı Mönir Buşenaki Qazanğa kilep xakimiät başlılığı Kamil' İsxakovka ber tarixi dokument tapşırdı. Bu Qazan Kremleneñ dönyanıñ tabiği häm mädäni mirası isemlegenä kertelüe turında tanıqlıq ide. Ul waqıtta bu xäbär xalıq arasında moğcizalı häm serle xäbär itep qabul itelde. Çönki älege isemlekkä Rusiädäge unbişläp kenä tarixi urın, şul isäptän Mäskäw Kremle, Qızıl Mäydanı, Kiji häm Peteburnıñ tarixi urınnarı. Niçek inde ul tarixi tatar däwläte başqalası Qazannıñ Kremle şundıy däräcäle urınnar belän ber rätkä quyıla di? Ä inde 2001 yılnı UNESCO Qazannı cämğiät tatulığı şartları buldıru öçen diplom birgäç, beraz soñraq Parijda UNESCOda Tatarstan könnäre uñışlı uzğaç häm 2002 yılda Qazan tınıçlıq bäygesendä ciñgäç mondıy käyeflär tağın da köçäyde. Xättä qayber sensatsiägä eşläwçe gazetalar mondıy isemleklärgä elägüne Qazan xakimiäte üze oyıştıra, moña şaqtıy ğına aqçalarda sarıf itä ikän dip yazıp çıqtılar. Yuq ikän şul, gospada. Tarixnı aqçağa ğına satıp alıp bulmıy ikän. Monıñ xaqında UNESCO general' direktorı Qazan Kremlen, Zöya utrawın häm Qazan universitetın qarap çıqqaç studentlar forumında äytte:
Audio (Koitiro Matsuura äfände Qazannıñ meñ yıllıq, Qazan universitetınıñ 200 yıllıq tarixı barlığında inanuı, Tatarstanda yäşäwçe xalıqlarnıñ tarixi ğöref-ğadätlären, mädäniäten saqlap qala aluları, şulay uq yözläp millätneñ tatu yäşäw şartları da buldırıluı turında äytä.)
UNESCO citäkçese bu çığışın 3 yündä Qazan universitetında barğan "Yäşlär häm dönya mirası" digän ğomümrusiä studentlar forumında yasadı. Älege forumnı Qazan şähäre xakimiäte, Qazan universitetı, TİSBİ, yäğni Eşquarlıqqa yärdäm Tatar institutı oyıştırğan, ul äle tağın ber kön eşläyäçäk. Añlaşıla ki ul UNESCO general' direktorı vizitına turı kiterep ütkärelgän çara. Şuña kürä forumğa qunaq belän bergä Qazan başlığı Kamil' İsxakov, prezident Mintimer Şäymiev kildelär, studentlar belän tarixqa, mädäni mirasqa qağılışlı fikerläre belän urtaqlaştılar. Mintimer Şäymiev yäşlär aldında ğöref-ğadätlärneñ materiälläşüe, yäğni cisemläşüe turında fälsäfi fikerläre belän urtaqlaştı. Eş şunda ki Koitiro äfändeneñ vizitı barışında söyläşülärneñ tatarlar öçen iñ qızıqlısı - Sabantuyın UNESCO isemlegenä kertü mömkinlege. Monıñ xaqında süz vizitnıñ berençe könendä ük, prezident rezidentsiäsendä äñgämä waqıtında uq quzğatıldı. UNESCO oyışqan waqıtta tözelgän konvensiädä dönya mirası isemlegenä cisemle obyektlarnı, yäğni tarixi urınnarnı, binalarnı, waqiğalarnı kertü qaralğan. Mintimer Şäymiev UNESCO aldında tatar Sabantuyın, milli bäyrämne tarixi miras itep tanıtu mäsäläsen quya. Anıñ fikerençä Sabantuyı waqıtı, urını, tärtibe mäğlüm tarixi ğöref-ğädät. Sabantuy - cisemle waqiğa. UNESCO Tatarstan dälilläre belän kileşerme yuqmı, älegä bilgesez. Ä menä Qazan universitetınıñ 200 yıllığı tarixi data bulıp isemlekkä kertelde. Kileşelgän mäsälälär xaqında vizitnıñ berençe könendä ük kommünikegä imzalar salındı.
Audio (Koitiro Matsuura äfände Qazannıñ meñ yıllıq, Qazan universitetınıñ 200 yıllıq tarixı barlığında inanuı, Tatarstanda yäşäwçe xalıqlarnıñ tarixi ğöref-ğadätlären, mädäniäten saqlap qala aluları, şulay uq yözläp millätneñ tatu yäşäw şartları da buldırıluı turında äytä.)
UNESCO citäkçese bu çığışın 3 yündä Qazan universitetında barğan "Yäşlär häm dönya mirası" digän ğomümrusiä studentlar forumında yasadı. Älege forumnı Qazan şähäre xakimiäte, Qazan universitetı, TİSBİ, yäğni Eşquarlıqqa yärdäm Tatar institutı oyıştırğan, ul äle tağın ber kön eşläyäçäk. Añlaşıla ki ul UNESCO general' direktorı vizitına turı kiterep ütkärelgän çara. Şuña kürä forumğa qunaq belän bergä Qazan başlığı Kamil' İsxakov, prezident Mintimer Şäymiev kildelär, studentlar belän tarixqa, mädäni mirasqa qağılışlı fikerläre belän urtaqlaştılar. Mintimer Şäymiev yäşlär aldında ğöref-ğadätlärneñ materiälläşüe, yäğni cisemläşüe turında fälsäfi fikerläre belän urtaqlaştı. Eş şunda ki Koitiro äfändeneñ vizitı barışında söyläşülärneñ tatarlar öçen iñ qızıqlısı - Sabantuyın UNESCO isemlegenä kertü mömkinlege. Monıñ xaqında süz vizitnıñ berençe könendä ük, prezident rezidentsiäsendä äñgämä waqıtında uq quzğatıldı. UNESCO oyışqan waqıtta tözelgän konvensiädä dönya mirası isemlegenä cisemle obyektlarnı, yäğni tarixi urınnarnı, binalarnı, waqiğalarnı kertü qaralğan. Mintimer Şäymiev UNESCO aldında tatar Sabantuyın, milli bäyrämne tarixi miras itep tanıtu mäsäläsen quya. Anıñ fikerençä Sabantuyı waqıtı, urını, tärtibe mäğlüm tarixi ğöref-ğädät. Sabantuy - cisemle waqiğa. UNESCO Tatarstan dälilläre belän kileşerme yuqmı, älegä bilgesez. Ä menä Qazan universitetınıñ 200 yıllığı tarixi data bulıp isemlekkä kertelde. Kileşelgän mäsälälär xaqında vizitnıñ berençe könendä ük kommünikegä imzalar salındı.
