Prezident Bushnıñ Yaqın Könçığışqa üze kilep anda beryulı fälästin häm İzrail premyer-ministrları belän oçraşuwı, soñğı ike-öç yılda dönyanıñ şuşı töbägendä solıxqa ireşü yulında eşlängän berençe zur ğämäl bulıp tora, xörmätle tıñlawçılar. Bushnıñ xalıqara problemalar belän, bigräk tä Yaqın Könçığışqa qarağannarına kilgändä, qızıqsınuwı elek ällä ni zur tügel ide diärgä bula, şunıñ sürätendä xäzer anıñ bu töbäkkä kilep solıx eşen alğa sörüwe, Waşingtonnıñ yartı ğasırdan artıq pısqıp yatqan yähüd-fälästin nizağın xäl itügä çınlap torıp alınuwın kürsätä. Düşämbedä amerikan prezidentı, üzeneñ yaña solıx başlanğıçına fatixanı Evianda "sigezlek"tän alsa, sişämbedä näq şundıy uq yaqlawnı urtaçıl ğäräp xökümätlärennän dä aldı. Diplomatik ölkädä amerikan yağı mömkin qädär kiñräk yaqlaw qazanırğa teli, yaña solıx planı asılda, Quşma Ştatlarnıqı ğına tügel, ä Yewropa Berlege häm Rusiäneke dä sanala. Läkin eşne näq menä prezident Bushnıñ başlap yörüwe, anıñ çärşämbe uzğan oçraşu xaqına xätta "sigezlek" söyläşülärennän irtäräk kitüwe, solıx omtılışları artında töp köç bulıp näq menä Quşma Ştatlarnıñ toruwın añlata. Waşington şulay itep, üzeneñ Ğiraqtağı suğışnı yuqqa ğına alıp barmawın, monıñ bar Yaqın Könçığış tiräsendäge säyäsi wäzğiatne yomşartuğa kiterüwen häm axırğı çiktä fälästin-yähüd qarşılıqların çişügä yardäm itä aluwın kürsätergä teli. Ariel Şaron häm Mäxmüd Abbas belän oçraşudan soñ, şul ike premyer häm İordaniä patşası Abdulla ozatuwında xäbärçelär qarşına çıqqan George Bush bolay dip belderde.
Audio, George Bush
"Bezneñ härberebez bügen biredä, bar keşelärneñ dä tınıçlıqta yäşäw xoquqı buluwın añlaw säbäple basıp tora, bez ışanabız ki, awır eş, nıq ışanıç häm qıyulıq belän Yaqın Könçığışqa tınıçlıq kiterü bik mömkin, häm bügen bez şul maqsatqa taba möhim adım yasadıq" di Quşma Ştatlar prezidentı George Bush. Fälästin premyerı Mäxmüd Abbas üz yağınnan Könbatış Yar häm Gaza sızığında terror ğämällären xökem itep, İzrail belän solıxqa ireşü öçen üze citäklägän idaräneñ fälästin intifadasın, yäğni baş kütärüwen tuqtatu çaraların küräçägen belderde. İzrail premyer-ministrı Ariel Şaron isä, İzrailneñ yähüd däwläte bularaq qalaçağın häm anıñ terror basımına berqayçan da birelmäyäçägen täqrar itsä dä, berük waqıtta üzeneñ, İzrail belän bergä fälästin däwläten qorunı yaqlawın da äytte häm Könbatış Yardağı qayber yähüd utarlarınnan waz kiçü kiräklegen añlawın, monı kiçekmästän ğämälgä aşıraçağın belderde. Ul şulay uq, İzrailneñ mänfäğäte, fälästinlelär belän idarä itüdä tügel, ä fälästinlelärneñ üz demokratik däwlätlärendä üzidarä urnaştıruwında digän süzlär äytte.
Audio, Ariel Şaron
İordaniäneñ Aqaba şähärendä uzğan şuşı söyläşülärdä möhim qararlarğa kilende, älbättä, xäzer inde alda iñ qatlawlısı, alarnı tormışqa aşıru eşe tora. Bu uñaydan Quşma Ştatlar prezidentı Bush...
Audio, George Bush
"...bez çıqqan yul bik awır, läkin başqa mömkinleklär yuq" dip belderde häm üzeneñ, axırğı çiktä tınıçlıq barıber urnaşaçaq digän fikerdä toruwın äytte.
Kärim Kamal, Praga.
Audio, George Bush
"Bezneñ härberebez bügen biredä, bar keşelärneñ dä tınıçlıqta yäşäw xoquqı buluwın añlaw säbäple basıp tora, bez ışanabız ki, awır eş, nıq ışanıç häm qıyulıq belän Yaqın Könçığışqa tınıçlıq kiterü bik mömkin, häm bügen bez şul maqsatqa taba möhim adım yasadıq" di Quşma Ştatlar prezidentı George Bush. Fälästin premyerı Mäxmüd Abbas üz yağınnan Könbatış Yar häm Gaza sızığında terror ğämällären xökem itep, İzrail belän solıxqa ireşü öçen üze citäklägän idaräneñ fälästin intifadasın, yäğni baş kütärüwen tuqtatu çaraların küräçägen belderde. İzrail premyer-ministrı Ariel Şaron isä, İzrailneñ yähüd däwläte bularaq qalaçağın häm anıñ terror basımına berqayçan da birelmäyäçägen täqrar itsä dä, berük waqıtta üzeneñ, İzrail belän bergä fälästin däwläten qorunı yaqlawın da äytte häm Könbatış Yardağı qayber yähüd utarlarınnan waz kiçü kiräklegen añlawın, monı kiçekmästän ğämälgä aşıraçağın belderde. Ul şulay uq, İzrailneñ mänfäğäte, fälästinlelär belän idarä itüdä tügel, ä fälästinlelärneñ üz demokratik däwlätlärendä üzidarä urnaştıruwında digän süzlär äytte.
Audio, Ariel Şaron
İordaniäneñ Aqaba şähärendä uzğan şuşı söyläşülärdä möhim qararlarğa kilende, älbättä, xäzer inde alda iñ qatlawlısı, alarnı tormışqa aşıru eşe tora. Bu uñaydan Quşma Ştatlar prezidentı Bush...
Audio, George Bush
"...bez çıqqan yul bik awır, läkin başqa mömkinleklär yuq" dip belderde häm üzeneñ, axırğı çiktä tınıçlıq barıber urnaşaçaq digän fikerdä toruwın äytte.
Kärim Kamal, Praga.