Başta räsmi xäbärlär. Düşämbe könne Slovakiäneñ säwdä mäsälälär buyınça Däwlät sekretare citäkçelegendäge delegatsiä Qazanğa kilde. Tatarstannıñ xökümäte, säwdä ministrlığı belän söyläşüdä iqtisadi xezmättäşlek mäsäläläre qarala. Şunısı qızıq, zamanında şul uq Slovakiä belän ber ük däwlätne täşkil itkän Çexiä eşquarları uzğan comğada yılğa köymäsendä Qazanğa kilep, şulay uq säwdä elemtälären kiñäytü yulında yördelär. Rubin häm Aq Bars futbol häm xokkey komandalarında Çexiädän satıp alınğan uyınçılarnı iskä alğanda, tınıç yul belän ayırılışqan Çexiä häm Slovakiä Tatarstanda bergäläp eş itä. Yäğni, alarnı Qazan berläşterä. Ämma bu ike il üz möstäqillegennän waz kiçmi.
