Bu turıda İzrail radiosı xäbär itä. Fälästinnärne İzrail törmälärennän azat itü xaqında söyläşülär pänçeşämbe kiçendä ütte. Bu söyläşülärdä İzrail saqlanu ministrı Şaul Mofaz häm fälästinnärneñ iminlek xezmäte başlığı Möxämmät Dahlan qatnaştı. İzrail, törmälärennän 350 fälästinlene azat itärgä qarar qılğan. Ä inde Möxämmät Dahlan şularğa östäp tağın 500 keşene çığarunı taläp itä.
Fälästinnär şulay uq, Bäyt Läxem şähärennän dä İzrail ğäskärlären çığarunı sorıy. Läkin İzrail ministrı bu taläplärne ütär öçen suğışçan törkemnärneñ qoralların taşlawı şart bulıp tora, dip belderde.
