Abuja. Räsmi säfär belän Nigeriägä kilgän George Bush anıñ başqalasında tağın ber möhim belderü yasadı, ul Nigeriä prezidentı Olusegun Obasanjoğa, Liberiädä tınıçlıq urnaştıru tırışlıqları öçen räxmät belderde, läkin berük waqıtta Liberiägä amerikan ğäskärlären cibärü turındağı qararnı tağın kiçekterergä buldı. Prezident üzeneñ bu mäs'älädä, Liberiädägä ğäskärlär cibärüne tikşerü öçen kitkän amerikan xärbi belgeçläreneñ xäbären kötüwen äytte. Nigeriä prezidentı isä üz ileneñ tınıçlıq saqlaw köçlärendä qatnaşırğa riza buluwın häm Liberiä prezidentı Charles Taylorğa, ul Waşington taläp itkänçä, urınınnan kitkän oçraqta, Nigeriädä säyäsi sıyınu birergä äzer toruwın belderde. Amerikan prezidentı bügen üzeneñ 5 afrikan ile buylap säfären tögälläp kire Quşma Ştatlarğa qayta.
