Accessibility links

Кайнар хәбәр

Qazanda Gennadiy häm Galina Osipovlarnı cirlädelär...


Mäskäwdä Tuşinoda bulğan şartlaw waqıtında häläk buluçılar arasında Qazannan Osipovlar ğailäse dä buluı turında äytkän idek. İrle-xatınlı Gennadiy häm Galina Osipovlar Qazanğa qaytarılıp, Därwişlär bistäsendäge ziratqa kümelde. Alarnı ozatırğa bik küp keşe cıyılğan ide. Tatarstan sälämätlek ministrı Kamil Zıätdinov häm Qazan şähäre başlığı Kamil İsxaqovnıñ da biredä buluı älege faciğäneñ ğailä däräcäsendä tügel, ä däwlät külämendä ikänlegen kürsätä. Galina häm Gennadiynıñ 14 yäşlek ulı Bogdan oçraqlı räweştä äti-änisennän ike adımğa ğına çitkä kitep torğan bulğan. Şuña kürä, ul beraz cäräxät alsa da, isän qalğan. Mäskäw şifaxanäsendä yatqan bu malayğa äti-äniläreneñ häläk buluın xäbär itü tabiblar öçen bik awır wazifa bulğan. Şuña kürä, Bogdan üzeneñ yätim qaluın berniçä kön buyı belmiçä yäşägän. Añlaşıladır, ul äti-änilär ozatuda da qatnaşa almadı.
XS
SM
MD
LG