Dubrovkadağı teatr üzägendä terakt waqıtında hälak bulğannarnıñ tuğannarı birgän, moral zıyan öçen tüläw turındağı 21 däğwäne yañadan qarawdan Mäskäw şähär mäxkämäse baş tartqan.
Şunıñ belän ul, annan tübänräk mäxkämä çığarğan, Mäskäw xökümäte tülärgä tieş dip kötelgän altmış däğwädän yartısın dip äyterlek kire qaqqan mäxkämä qararın raslağan. Xakimnär "Terrorizm belän köräş" turındağı qanunda zıyan öçen tüläw barı tik matdi zıyanğa ğına qağıla dip belderä. Dubrovkadağı ul teraktta 129 keşe hälak bulğan 700 keşe zıyan kürgän ide.
