Accessibility links

Кайнар хәбәр

Qazan wäkilläre öçen Böyek İdel yulı buylap säfär başlandı...


Bıyılğı säfär «Böyek İdel yulı» digän konferensiäneñ 3nçe öleşe bulıp tora. (1nçe häm 2nçe öleşläre 2001 häm 2002nçe yıllarda ütte.)

Räsmi räweştä älege konferensiä 3nçe avgustta başlana häm 13-nä qädär däwam itä. Qazan wäkilläre öçen «Böyek İdel yulı» buylap säfär 30nçı yüldä başlanıp kitte. Çärşämbe könne kiç «Qazan» yılğa portında şuşı säfärgä kitüçelärne ozatu çarası ütkärelde. Konferensiä bik zatlı, 4 qatlı «Qazan» korabında ütäçäk. Peterburgnıñ 300 yıllığın bäyräm itü qısalarında ul korabta Rusiä töbäkläre başlıqları qunaq buluı xaqında söylägän idek inde.

Älege köymä Qazanğa berençe tapqır kilä häm ul bu yulı «Böyek İdel yulı»nnan ütärgä, Ästerxan, Maxaçqala, Änzeli, Tähran, İsfaxan, Aqtaw häm qabat Ästerxan portlarında tuqtarğa tieş bula.

Konferensiäne Qazan şähär xakimiätläre, respublika xökümäte belän bergä UNESCO oyışması, İRSİKA digän islam fondı, Evropa Şurası, Rusiäneñ tışqı eşlär häm mädäniät ministrlıqları, Rusiä häm Tatarstan fännär akademiäläre oyıştıra. Konferensiäneñ 1nçe häm 2nçe öleşlärendä tarixi, mädäni mäs’älälär tikşerelsä, 3nçesendä töp iğtibar «Böyek İdel yulı» buylap urnaşqan şähärlärneñ sotsio-mädäni, iqtisadi, säyäsi mäs’älälären xäl itügä yünäldereläçäk. Şunıñ belän bergä xezmättäşlek turında eşlekle kileşülär, «Qazanğa 1000 yıl» digän kürgäzmäneñ eşläwe, keçe häm zur biznes oyışmaları xaqında mäğlümat taratu, yul buylap tatar oyışmaları belän oçraşuı küz aldında totıla.

Çärşämbe könne «Qazan» korabına 40 keşe utırıp kitte. Alar arasında respublikanıñ ere ğalimnäre, şähär administratsiäsennän cawaplı xezmätkärlär bar. Şähär başlığı Kamil İsxaqov häm konferensiäneñ başqa yuğarı däräcäle qunaqları «Qazan» korabın Ästerxanda quyıp totıp, aña şuşında küçep utıraçaq. Säfär däwamında korabta Rusiä häm Böyek İdel yulı ütä torğan illärneñ ğalimnäre, eşmäkärläre dä cıyelaçaq. Konferensiädä barlığı 140 keşe yözär dip kötelä.

Bikä Timerova, Qazan.

XS
SM
MD
LG