Accessibility links

Кайнар хәбәр

Pxenyanda Tönyaq Koreanıñ atom programması turında altıyaqlı söyläşülär tämamlandı


Taraflar aldağı 2 ay eçendä yañadan oçraşu turında kileşte. Söyläşülärdä qatnaşqan Yaponiä törkeme citäkçese Mitoci Yabunaka barlıq taraflar da - Tönyaq häm Könyaq Korea, Rusiä, Yaponiä, Qıtay häm Quşma Ştatlar kierenkelekneñ artuına yul quymaw öçen tağın oçraşu zarurlığı turında kileşte dide:

AUDİO: Altıyaqlı söyläşülär barışında bez wäzğiätneñ qatlawlanuına yul quymas öçen atom mäs''äläsen - Korea yarımutrawın qoralsızlandırunı, Tönyaq Koreanıñ iminlek öçen borçıluların söyläşülär aşa qararğa digän urtaq fikergä kildek.

Ämma Tönyaq Koreanıñ räsmi xäbär agentlığı Quşma Ştatlarnıñ üz säyäsäten üzgärtergä telämäwe söyläşülärneñ kiläse öleşen qurqınıç astına quya dide. Quşma Ştatlar Tönyaq Koreadağı atom programmalarınıñ beterelüen teli. Ämma Tönyaq Korea, Quşma Ştatlar höcüm başlamaw turında kileşüne imzalamıy torıp, häm Pxenyan belän diplomatik mönäsäbätlär urnaştırmıy torıp, atom programmasınnan baş tartmayaçağın belderä. Ul şulay uq, Tönyaq Koreanı elektr energiäse belän tä''min itärgä tieşle, ciñel suda eşläwçe ike atom elektr stansiäse tözeleşen tämamlawnı taläp itä. Tönyaq Koreanıñ xäbär agentlığı, ägär dä bu taläplär ütälmäsä, Pxenyan AQŞ tarafınnan başlanırğa mömkin agressiägä qarşı çara bularaq üzeneñ atom programmasın quätländerergä mäcbür bulaçaq dip belderä.
XS
SM
MD
LG