İzrael vitse premiere Ehud Olmert İzrael xökümäteneñ Yasir Arafat turındağı pozitsiäsen bolay itep açıqladı. (audio) Y.Arafat cinayätçe,üterüçe.İzrael xökümäte älege şartlarda cinayätçe , cinayät eşlärgä etärüçe häm andıy operatsiälärne oyıştıruçılarnı kiräk bulsa yuq itergä qarar birde. Arafat çığarma bulıp tormıy. İzraelneñ anı sörgengä cibärü yäki üterü turındağı şuşı belderüe Yaqın könçığış säyäsätendä yoldızı sürelä barğan xästä, qartayıp kilgän Y.Arafatnı yañadan üzäk säxnägä kütärep fälästinnärneñ kire qaqqısız citäkçese buluın kürsätte. Arafat Ramalladağı cimerek başkavartirasında añı saqlau, canlı qalqan bulu öçen cıyılğan meñnnärçä fälästinlene sälämläp dönya televidinie kameraları aldında çığışlar yasıy. Gaza häm Könbatış Yordan Üzäne şähärlärendä Arafatnı yaqlau öçen üzen qorban itergä äzer fälästinnär demonstratsiä ütkärä. Arafatnı yaqlağan cıyınnar fälästin cirlärendä genä tügel ä İndoneziägä qädär böten möselman dönyasanıda ütte atna azağında. İzrael xökümäteneñ qararı xalıqara cämäğätçelekneñ şul sanda anıñ in yaqın berektäşe AQŞnıñ qarşılıq kürsätüenä säbäp buldı. Däwlät sekretarı C.Powell yäkşämbedä Bagdadta bolay dip säyläde(audio) AQŞları Y.Arfatnı üterü yäki sörgängä cibärü fikren yaqlamıy. Bu bezneñ pozitsiä tügel häm tügel ide. İzrael xökümäte moñı belä.Anıñ näticäse yaxşı bulmayaçaq. Böten ğäräb dänyası , möselman dönyası häm dönyanıñ başqa urınnarında açu beldereläçäk dip kötergä kiräk.Bu näzberek mizgeldä bu qarar tınıçlıq planına niçek yardäm itär belmim .
Urtaçıl fälästinnär İzraelneñ Arafatnı üterü belän kisätü bik zur xata dip äytä.Mäxmud Abbas xökümätendä iminlek minsitırı bulıp torağan Möxämmäd Dahlan İzrael axmaq tügel, ul prezident Arafat üterelsä, yäki quulsa monıñ qanlı konfliktqa säbäp bulaçağın häm tınıçlıq protsesın yañartu öçen ber nindi mömkinlek bulmayaçağın bik yaxşı belä dip söyläde.Fälästin wäkile Saeb Erakat Arafatqa nindi de bulsa zian kilsä ,şunnan soñ fälästin cirlärendä radikallär östenlek itäçäk , alar berençe bulıp , solıx yağında toruçılarnı şulsanda mine üteräçäklär dip söyläde. Arafat İzrael tarafınnan tege yäki bu yul belän çitlätelsä monıñ yul xaritası dip yöretelgän tınıçlıq urnaştıru planına ber faydası da bulmayaçaq dip Powell da äytte. AQŞnıñ Arafatqa qarşı ber nindi dä aksiä oyıştırmağız dip İzraelgä äytüeneñ ällä ni faydası yuq, bigräk tä fälästin terrorçıları yaña höcüm oyıştırsa. Administratsiä çınlap ta bu mäsälädä ciddi xäräkät itärgä qarar birsä moñı bälkim dä G.Bush üze Sharonğa xosusi räweştä äytergä tieş bulaçaq. Älegä Waşingtonnan kilgän signallar ällä ni köçle tügel.
färidä xämit, praga
färidä xämit, praga