Accessibility links

Keşe urlawçılar...


KamAZ. Dürt ay elek yuqqa çıqqan yuğarı däräcädäge çinovnikları Viktor Fabernıñ häm Natal'ya Dubovitskayanıñ yazmışı açıqlana başladı. Alarnı urlap, aqça tülätterüdä şiklänelgän keşelär qulğa alınğan. Älege cinayättä gäyeplänüçe Tahir'yanov törkeme liderları belän şähär prokurorı İl'dus Näfıykovnıñ munça kerüen çağıldırğan fotoräsem Çallı gazetında basılıp çıqqaç, respublikanıñ eçke eşlär ministrı Äsgat' Säfärov belderü yasadı. Fabernı urlawda gäyeple dip şik astına alınğan Tahir'yanovçılarnı qulğa alğan öçen prokurornı eştän çitlätü maqsatı belän maxsus räweştä qotqı taratıla, dide Tatarstan ministrı. Yäkşämbe könne Tatarstan däwlät televideniese aşa iñ soñğı xäbär taratıldı. Viktor Faber häm Natal'ya Dubovitskaya isän digän ömetlär aqlanmıy, alarnıñ may ayında yuğalğan köndä ük üterelüe açıqlanğan.
XS
SM
MD
LG