Accessibility links

Кайнар хәбәр

Ğiraqtağı körd wäkile törek ğäskärlären urnaştıruğa bar il qarşı çığa dip belderä


Bagdad. Ğiraq kördläre citäkçese, berük waqıtta ilneñ Waqıtlı idarä şurasında äğza bulıp torğan Mäsğüt Barzani, Ğiraqta törek ğäskärlären urnaştıruğa bar il qarşı çığa dip belderde. Ul, Ğiraqqa törek ğäskärlären kertü ildäge kierenkelekne arttıraçaq qına dip isäpli. Barzani süzlärenä qarağanda, Waqıtlı idarä şurası xäzer Ğiraqtağı amerikan citäkçese Paul Bremernı, ilgä töreklärneñ kilüwe anda totrıqlılıqnı arttırmayaçaq digän fikergä künderergä tırışa. Bügen irtäräk isä törek räsmi wäkile, üz ileneñ Ğiraqqa ğäskärilär cibärü qararın yaqlap, Törkiä monı ğiraqlılarğa qärdäş möselman däwläte häm yaxşı kürşe bularaq eşli dip beldergän ide. Änkara fikerençä, Waqıtlı idarä şurasındağı berniçä keşeneñ törek ğäskärläre kilüwenä qarşı çığuwı moña bar Ğiraq xalqınıñ qarşı buluwın añlatmıy.
XS
SM
MD
LG