Bügen Bağdadtağı Törkiä ilçelege qarşında maşinağa quyılğan bomba şartlaw näticäsendä intixar terrorçı hälak buldı 6 keşe yaralandı.
AQŞ xärbiläre wäkile polkovnik Peter Mansoor äytüençä maşina ilçelek kereşenä taba barğanda şartlağan, maşinadağı keşe hälak bulğan tirä yaqtağılar yaralanğan.
Bu Ğiraq başqalasında soñğı 3 köndä 2-nçe şundıy şartlaw buldı. Reuters xäbär agentlığı äytüençä, AQŞ xärbiläre ilçelek tiräsen blokadalağan häm jurnalistlarnı annan çığarıp cibärgän.
Ankarada Törkiä tışqı eşlär ministrlğı bu Ğiraqtağı wäzğiätneñ ni qädär naçar buluın kürsätä dip älege ğämälne ğäyepläp çıqtı.
Ber atna elek Törkiä Ğiraq İdarä Şurasınıñ häm Ğiraqtağı kördlärneñ qarşılığına qaramastan Ğiraqqa tınıçlıq köçläre cibärü turında qarar qabul itkän ide.
Uzğan töndä Kerbala şähärendä üzara doşman ike şiği törkem arasındağı bäreleşlärdä 1 keşe hälak buldı, 24 keşe yaralandı dielä. Bäreleş urtaçıl şiğilar törkeme amerika ğäskärlärenä kisken qarşı çığuçı din ähele Moqtada Sadr tarafdarların ike imam mavzoleyına kertmäskä tırışqanda başlanıp kitkän häm tañğa qädär däwam itkän.
