AQŞta uqu yäki uqıtu öçen Fulbright Fondına möräcäğät itkän fälästinnär belän tanışu ängämä alu öçen barğan törkem utırğan 3maşinadan torğan konvoy Erez çik punktın ütkännän soñ, Gaza Sızığında fälästin politsiäse ozatıp barğan maşina ütkändä yulğa urnaştırılğan bomba şartlatıldı. Yanıp yuqqa çıqqan maşinada utırğan tän saqçılarınıñ öçese häläk buldı, 4. yaralandı.Fälästinnärneñ bomba şartlatuı, intihar höcüme oyıştıruı yañalıq bulmasa da alarnıñ Amerika watandaşların hädäf itep alğanı yuq ide.Waşingtonnıñ kisken reaksiäsenä säbäp bulğan bu insidetta ,prezident Bush fälästin citäkçelegeneñ terrorğa qarşı köräşkän täsirle iminlek köçläre oyıştıra almawı keşelärneñ ülemenä säbäp bulıp tora , fälästin xakimiätläre küptän inde terrornıñ barlıq formalarına qarşı köräşergä tieş ide dip äytte. Däwlät sekeratrı C.Powell köç qullanu vä terror tuqtatılmıy, bäysez Fälästin däwläte bula almıy dide.Däwlät sekretarı İzrael tışqı eşlär ministırı Shalom häm fälästin premiere Qurei belän söyläşkännän soñ anıñ yazılu belderüe süzçe Richard Boucher tarafınnan uqıldı.Anda bolay dielgän(audio):Min alarğa terrornı yuq itü öçen aşığıç çaralar kürü zarurlığın mömkin bulğan in kisken räweştä belderdem. Premier Ahmed Qureiğa min köç qullanu häm terrornı yuq itmi İzrael_Fälästin nizağında ike däwlät oyıştıru mäsäläsendä alğa kitä almayaçağıbıznı bik açıq itep belderdem
Qurei da , Arafat ta ğädättägäçe terrornı xökem itep, ğailäläreneñ qayğıların urtaqlaştı. BMOsı häm Yevropa berlege citäkçeläre Arafattan bombanı urnaştıruçalırnı tabıp mäxkämä aldına çığaruın taläp itte. Berlekeneñ tışqı säyäsät koordinatorı J.Solana Arafataqa şaltıratıp , xökem itü, ğäyepläülär üzlegennän ber närsä dä eşlämi, ğäyeplärlärne tabığız häm cazalandırığız dip beldergän. G.Bush häm C.Powell belderüläre İnde AQŞnıñ Yul xaritası dip yöretelgän tınıçlıq planında fälästinnär atlağan adımnarğa paralel, İzraelne taşlamalr yasarğa çaqırmayaçağın añlatıp tora şikelle .BMOnıñ yaqın könçığış wäkile Larsen konvoyğa höcüm nizaqınıñ cäyelüen kürsätä dide.5nçe üktäberdä İzrael oçqıçları Süriädä fälästinnärneñ künegü lagerın bombalağan ide. Federal tikşerü Bürosı FBİ insidentı tikşeräçäk dip äytelde, ämma çärşämbedä waqıyğä urınına kilgän amerikan tikşerüçeläre fälästinnärneñ taşlar ırğıtuı säbäple annan kitergä mäcbür bulğan ide . Xabärlärgä qarağanda fälästin politsiäse kiçäge bombalau belän bäyläneşe buluda şiklänelgän 3 keşene qulğa alğan.Gaza Sızığınıñ tönyağındağı moxacirlar lagerında qulğa alınuçılar xalıq qarşılıq xäräkäteneñ äğzaları .Bu xäräkät başlıça Hamas Fatax xäräkäteneñ eleke äğzalarınnan tora. Qarşılıq kürsätü xäräkäte okupatsiäne beterü öçen İzraelgä qarşı köç qullanu berdänber yul digän qaraşta. Kiçäge şartlatu öçen ber törkem dä cawaplılqnı üz östenä almadı. tışqı eşlär ministırı Shalom bugen yañadan Arafatnı quuıp cibärmi , töbäktä tınıçlıq urnaşmayaçaq dip äytte. Arafat xalıqara basımğa qaramastan äle dä üz kontrolendäge iminlek köçlären premier qaramağına tapşırıp alarnıñ ber komanda astında toruına yul quymıy.Kiçä prezident Bush, barlıq fälästin köçlären, reformalarnı kontrol itüçe premier bulırğa tieş, ämma moña Yaser Arafat kirtä sala dip beldergän ide.Bu süzlär fälästinnärneñ yaña premiere Qureiğa yardäm itärme kötergä kiräk
färidä xämit, praga.
färidä xämit, praga.